ՀՀ կրթության, գիտության, մշակույթի և սպորտի նախարարությունը հայտարարում է 2026 թվականի «100 գաղափար Հայաստանի համար» նորարարական նախագծերի և գիտատեխնիկական մշակումների համահայկական մրցույթի հայտերի ընդունման փուլը:
Մրցույթի նպատակներն են`
- զարգացնել երիտասարդների նորարարական մտածողությունը,
- ներգրավել երիտասարդներին Հայաստանի Հանրապետության սոցիալ-տնտեսական զարգացման խնդիրների լուծման գործընթացներում,
- խթանել գիտատեխնիկական մշակումներ ու նորարարական նախագծեր իրականացնելու քաղաքացիական նախաձեռնությունները:
Մրցույթին կարող են մասնակցել Հայաստանի և սփյուռքի 13-35 տարեկան երիտասարդներ կամ հեղինակային խմբեր:
Մրցույթին ներկայացված գաղափարներից մրցութային հանձնաժողովը կընտրի լավագույն 5 գաղափարները, որոնց կտրվի դրամական պարգև՝ 500.000-ական դրամ:
Մրցութային հանձնաժողովը առավելությունը կտա այն գաղափարներին, որոնք.
- կունենան կիրառական նշանակություն,
- ապահովում են ներկայացված գաղափարի շարունակականությունը,
- ունեն հանրային մասնակցության բաղադրիչ:
Մրցույթն իրականացվում է հետևյալ փուլերով՝
- հայտերի ընդունում և նախնական ընտրված հայտերի գնահատում մրցութային հանձնաժողովի կողմից,
- փորձագետների կողմից հայտերի փորձագիտական գնահատում՝ շնորհանդեսի միջոցով,
- մրցույթի արդյունքների ամփոփում և յուրաքանչյուր անվանակարգում հաղթող հայտատուների պարգևատրում։
Մրցույթն անցկացվում է հետևյալ թեմատիկ ուղղություններով՝
Կենսաբազմազանություն, կլիմայական անցում, կայուն էներգետիկ զարգացում և ռեսուրսների անվտանգ կառավարում
Անվանակարգերը հետևյալն են՝
- ֆիզիկամաթեմատիկական գիտություններ
- քիմիական գիտություններ
- գիտություններ Երկրի մասին
- գյուղատնտեսական գիտություններ
Թվային փոխակերպում, կլիմայական տվյալների համակարգեր և կանաչ ենթակառուցվածքներ
Անվանակարգերը հետևյալն են՝
- տեղեկատվական տեխնոլոգիաներ
- տեխնիկական գիտություններ
- ճարտարապետություն
Կենսաբժշկական ապահովություն, անհատականացված առողջապահական ծառայություններ և նեյրոհոգեբանական բարեկեցության խթանում
Անվանակարգերը հետևյալն են՝
- կենսաբանական գիտություններ
- բժշկական գիտություններ
- դեղագործական գիտություններ
- հոգեբանական գիտություններ
Կանաչ տնտեսություն, ռազմավարական կառավարում և տնտեսական կայունություն
Անվանակարգերը հետևյալն են՝
- տնտեսագիտություն
- իրավաբանական գիտություններ
- քաղաքական գիտություններ
- սոցիոլոգիական գիտություններ
- ռազմական գիտություններ
Ստեղծագործ տնտեսություն, մշակութային ժառանգություն և մարդկային կապիտալի զարգացում
Անվանակարգերը հետևյալն են՝
- պատմական գիտություններ
- բանասիրական գիտություններ
- արվեստագիտություն
- մանկավարժական գիտություններ
Հայտերն անհպաժեշտ է ուղարկել մայիսի 15-ից մինչև սեպտեմբերի 20-ը ներառյալ, Youth@escs.am էլեկտրոնային հասցեին` համաձայն ձևաչափի՝ «Թեմա» բաժնում նշելով մրցույթին ներկայացվող գաղափարի անվանակարգը:
Սփյուռքից ներկայացվող հայտերը կարող են ընդունվել նաև անգլերեն կամ ռուսերեն՝ համաձայն ներկայացված ձևաչափի:
ՈՒՇԱԴՐՈՒԹՅՈՒՆ: Սույն հայտարարությամբ նախանշված ժամկետից ուշ ներկայացված հայտերը չեն դիտարկվի։
Հարցերի և հավելյալ տեղեկատվության համար զանգահարել` 010 599 699 (642) և 010 599 699 (643) հեռախոսահամարներով:
Հիմնավորում