ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Ծրագրի արդյունավետ իրականացման նպատակով իրավական լուծումների առաջարկների մշակում և ներկայացում,
- Օժանդակություն կառավարման մարմինների գործունեությանը, նիստերի նյութերի նախապատրաստում և որոշումների արձանագրությունների մշակում (հայերեն և անգլերեն լեզուներով),
- կառավարման և այլ մարմինների գործունեության արդյունավետ կազմակերպման նպատակով՝ վերջիններիս գործունեությունը կանոնակարգող ներքին իրավական ակտերի մշակում, վերանայում և լրացում,
- Ծագող իրավական հարցերի ուսումնասիրություն և իրավախորհրդատվություն,
- Քաղաքացիաիրավական բնույթի պայմանագրերի, հուշագրերի, հայտարարությունների կազմում և վերանայում, դրանց վերաբերյալ իրավական կարծիքի տրամադրում,
- Իրավաբանական փաստաթղթերի վերլուծություն (հայերեն և անգլերեն լեզուներով),
- Իրավաբանական եզրակացությունների կազմում (հայերեն և անգլերեն լեզուներով),
- Աշխատանքային հարաբերությունները կարգավորող իրավաբանական փաստաթղթերի՝ հրամանների և աշխատանքային պայմանագրերի վերանայում, իրավախորհրդատվություն աշխատանքային իրավահարաբերությունների ոլորտում ծագող հարցերի վերաբերյալ,
- Իրավախորհրդատվություն և կազմակերպության շահերի ներկայացում աշխատանքային վեճերի դեպքում,
- Իրավախորհրդատվություն պետական գնումների ոլորտում,
- Պարբերաբար իրավական բնույթի ամբողջական ուսումնասիրության (due diligence) իրականացում՝ առկա փաստաթղթերը գործող օրենսդրությանը համապատասխանեցնելու նպատակով,
- Ներկայացուցչություն պետական և վարչական մարմիններում,
- Ներկայացուցչություն գործընկերների հետ բանակցությունների ընթացքում,
- Վեճերի մինչդատական կարգավորում բանակցությունների և այլ իրավական միջոցների օգնությամբ,
- Գործարքների իրավաբանական ուղեկցում։
- Անհրաժեշտության դեպքում կատարում է աշխատանքային այլ պարտականություններ և առաջադրանքները, որոնք չեն հակասում ՀՀ ԱՕ-ին:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն իրավաբանական կրթություն;
- Իրավաբանական ընկերությունում կորպորատիվ իրավունքի ոլորտում կամ խոշոր ընկերությունում համանման գործառույթներով պաշտոնում առնվազն 3 տարվա աշխատանքային փորձ;
- Խորը գիտելիքներ քաղաքացիական, հարկային, վարչական և կորպորատիվ իրավունքի ոլորտներում;
- Ռուսերենի և անգլերենի գերազանց իմացություն;
- Օրենսդրության նորմերի պահանջներին համապատասխան ինքնուրույն փաստաթղթեր պատրաստելու և գրանցման գործողություններ իրականացնելու փորձ և հմտություններ;
- Պայմանագրային գործի փորձ;
- Գրագետ մասնագիտական բանավոր և գրավոր խոսք;
- Փաստաբանական գործունեության արտոնագրի առկայությունը, դատավարական իրավունքի խորը գիտելիքները և դատական ներկայացուցչության փորձը կդիտվեն որպես առավելություն։
ԱՇԽԱՏԱՎԱՐՁ՝ 275,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- անձնագրի պատճենը,
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Իրավաբան»։
Մրցույթին մասնակցելու հայտերի ներկայացման վերջնաժամկետը՝ 15.04.2024 թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձիք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016 թ.: 2020 թ․ այն վերանվանվել է «ԿԶՆԱԿ» հիմնադրամի «Դպրոցական սնունդ և երեխաների բարեկեցություն» հիմնարկ:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: