Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Մշտադիտարկման համակարգող»
Աշխատանքի տեսակը՝ Ամբողջ դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԻ ՆԿԱՐԱԳԻՐ
Հիմնադրամը փնտրում է Մշտադիտարկման համակարգողի, ով ընդգրկված կլինի Հիմնադրամի կողմից իրականացվող տարբեր նախագծերում։ Համակարգողի պարտականությունները ներառելու են իրականացվող ծրագրերի նպատակներին համապատասխան մշտադիտարկման պլանի մշակում և մարզային մոնիտորինգի աշխատանքների համակարգում, մշտադիտարկման չափորոշիչների սահմանում` համագործակցելով հիմնարկի հետազոտությունների և գնահատման համակարգողի հետ, սահմանված չափորոշիչների հիման վրա նախագծերի պարբերական մշտադիտարկման իրականացում։ Հիմնարկի կողմից ՀՀ մարզերում իրականացվող աշխատանքների համակարգում, հիմնարկի այլ աշխատակիցների գործունեության հետ աշխատանքի կազմակերպում:
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Մշակել համատեղ քննարկումներով մարզային մոնիտորինգի մասնագետների աշխատանքային պլանները, համակարգել աշխատանքները՝ ներառյալ մշտադիտարկման պլանը, ամբողջացնել և ներկայացնել Հիմնարկի կողմից իրականացվող դպրոցական սննդի ծրագրին առնչվող մշտադիտարկման պլան, անհրաժեշտ ռեսուրսների հաշվարկ.
- Հետազոտությունների և գնահատման համակարգողի հետ համատեղ մշակել մշտադիտարկման չափորոշիչներ, ամենամյա պարբերականությամբ վերանայել և հաստատել.
- Համակարգել մարզային մոնիտորինգի մասնագետների աշխատանքը և կապը տարածքային կառավարման և տեղական ինքնակառավարման մարմինների հետ.
- Համակարգել մշտադիտարկման հիման վրա արդյունքների հաղորդակցման, հետադարձ կապի և կրկնայցելությունների ճկուն համակարգի կիրառությունը.
- Քննարկել մշտադիտարկման արդյունքները հիմնարկի տնօրենի, գնահատման և հետազոտության համակարգողի, ԿԳՄՍՆ համապատսախն ստորաբաժանումների հետ, և ներկայացնել առաջարկություններ նախագծերի առավել արդյունավետ իրականացման վերաբերյալ,
- Շահագրգիռ կողմերին ներկայացվող պարբերական հաշվետվությունների համար տրամադրել համապատասխան տեղեկատվություն և տվյալներ,
- Հիմնարկի աշխատակիցներին աջակցել համապատասխան հաշվետվությունների մշակման գործընթացում,
- Համակարգել հիմնարկի կողմից ՀՀ մարզերում իրականացվող աշխատանքները, հիմնարկի այլ աշխատակիցների հետ համագործակցությունը,
- Իրականացնել անմիջական ղեկավարի կողմից հանձնարարված այլ պարտականություններ:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն,
- ղեկավար պաշտոնում աշխատանքի, աշխատանքների համակարգման հմտություներ պահանջող առնվազն մեկ տարվա փորձ,
- ծրագրերի մշտադիտարկման կամ կառավարման ոլորտում առնվազն 2 տարվա աշխատանքային փորձ,
- նախագծերի մշտադիտարկման մեխանիզմների մշակման և չափորոշիչների սահմանման փորձառություն,
- ՀՀ մարզերում ճամփորդելու հնարավորություն, մարզային առանձնահատկությունների մասին գիտելիքներ,
- տեղական ինքնակառավարման մարմինների հետ համագործակցության կամ աշխատանքի փորձ,
- տարածքային կառավարման մարմինների հետ համագործակցության կամ աշխատանքի փորձ,
- Համահայաստանյան ընդգրկումով ծրագրերի մասնակցության կամ համակարգման փորձը կդիտվի առավելություն:
- Համակարգչային հմտություններ, մասնավորապես MS Office փաթեթից Excel-ի գերազանց իմացություն,
- Հայերենի գերազանց, անգլերենի կամ ռուսերենի իմացությունն առավելություն է:
ԱՇԽԱՏԱՎԱՐՁ՝ 370,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Մշտադիտարկման համակարգող»։
Մրցույթին մասնակցելու հայտերի ներկայացման վերջնաժամկետը՝ 21.09.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: