Ճարտարապետության և շինարարության Հայաստանի ազգային համալսարանի և Բերդի բազմագործառութային պետական քոլեջի միջև ստորագրվել է համագործակցության հուշագիր:
Կնքված հուշագրի համաձայն՝ իրականացվելու են երկկողմանի հետաքրքրություն ներկայացնող կրթական ծրագրեր. քոլեջի ուսանողների համար կազմակերպվելու են տեղեկատվական օրեր համալսարանում, թեմատիկ, մասնագիտական կողմնորոշման դասընթացներ և ակնարկային դասախոսություններ՝ համալսարանի պրոֆեսորադասախոսական կազմի մասնակցությամբ, խորհրդատվական և նախապատրաստական դասընթացներ, խորհրդակցություններ, շրջայցեր:
Նախատեսվում է նաև քոլեջի ուսանողներին ներգրավել համալսարանական միջոցառումներին, նրանց ծանոթացնել համալսարանական առօրյային և ուսանողական կյանքին, աջակցել քոլեջի բարձր առաջադիմությամբ սովորող ուսանողներին՝ ՃՇՀԱՀ-ում ուսումնառությունը շարունակելու նպատակով: