Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Հանրային կապերի և հաղորդակցության համակարգող»
Աշխատանքի տեսակը՝ Ամբողջ դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
Հանրային կապերի և հաղորդակցության համակարգողը պատասխանատու է հասարակության և լրատվության հետ կապերի, կորպորատիվ հաղորդակցման և Հիմնարկի պաշտոնական կայքի բովանդակության ստեղծման համար։ Համակարգողը պետք է մշակի Հիմնարկի հաղորդակցության և հանրության հետ կապերի ռազմավարությունը և դրան հարակից նախագծերը: Ակնկալվում է, որ Համակարգողը կմշակի և կիրականացնի արդյունավետ հաղորդակցման ռազմավարություններ, որոնք ուղղված կլինեն Հիմնարկի գործունեության և Ծրագրի իրականացման վերաբերյալ իրազեկության ձևավորմանը և բարձրացմանը։ Մասնավորապես, Հանրային կապերի և հաղորդակցության համակարգողը՝
- Աջակցում է տնօրենին Դպրոցական սննդի ազգային ռազմավարության մշակման և հանրայնացման աշխատանքներում:
- Մշակում է Հիմնարկի հաղորդակցության և հանրային կապերի ռազմավարությունը, ներառյալ՝ թվային և սոցիալական մեդիայի ռազմավարությունները` ապահովելով դրանց արդյունավետ իրականացումը:
- Կազմակերպում և համակարգում է նախատեսված Ֆոտո-վիդեո-մուլտիմեդիա և տեքստային նյութերի ստեղծումը ծրագրի բաղադրիչների, ծրագրի ուղերձների կամ առողջ սննդի վերաբերյալ և դրանց տարածումը:
- Ապահովում է schoolfeeding.am կայքի բովանդակության համալրումը, պարբերական թարմացումներն ու անխափան աշխատանքը:
- Կառուցում և զարգացնում է արդյունավետ հարաբերություններ ազդեցիկ լրատվամիջոցների և լրագրողների հետ՝ Հիմնարկի նորությունների և այլ նախաձեռնությունների մասին պատմություններ տեղադրելու համար:
- Մշակում և վարում է լրատվամիջոցների և շահագրգիռ կողմերի ցանկը և տվյալների բազան:
- Համագործակցելով Հիմնարկի աշխատակզմի հետ՝ մշակում է նյութեր (մամլո հաղորդագրություն, կորպորատիվ հայտարարություններ, տեղեկագրեր և ստեղծագործական բովանդակություն) և տնօրենի համաձայնությամբ ապահովում է դրանց հրապարակումը:
- Առաջնորդում է հանրային հաղորդակցության նախագծերի ու արշավների մշակումը և կազմակերպումը՝ համագործակցելով ծրագրի բոլոր շահագրգիռ կողմերի հետ՝ ապահովելով վերջիններիս համապատասխանությունը համաձայնեցված ծրագրի նպատակներին, արդյունքային ցուցանիշներին, ժամանակացույցին, բյուջեին և ծրագրային պահանջներին։
- Նախաձեռնում և համակարգում է միջոցառումներ, որոնք աջակցում են Հիմնարկի հաղորդակցման և շուկայավարման նպատակներին, օգնում է դրանց պլանավորմանը՝ ներառյալ միջոցառումների համակարգողների հետ աշխատանքը:
- Ստեղծում և ղեկավարում է Հիմնարկի սոցիալական լրատվամիջոցների պրոֆիլներն ու ներկայությունը՝ ներառյալ Facebook- ը, Twitter- ը, LinkedIn- ը և լրացուցիչ ալիքները, որոնք կարող են համարվել համապատասխան:
- Համագործակցում է ՏՏ/տվյալների բազայի համակարգողի հետ` կառավարման տեղեկատվական համակարգերի հետ աշխատանքներում:
- Համագործակցում է ֆոնդհայթայթման մասնագետի հետ` ֆոնդհայթայթման արշավների նախագծման և իրականացման նպատակով:
- Մասնակցում է տարեկան գործողությունների պլանի մշակման աշխատանքներին, իրականացնում հաղորդակցությանը և հանրային կապերին առնչվող այլ հանձնարարություններ:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն (ցանկալի է լրագրության, հանրային կապերի, հասարակական գիտությունների ոլորտներում),
- Հանրային կապերի կամ մարքեթինգի ոլորտներում առնվազն 2 տարվա աշխատանքային փորձ,
- Նորարար և ստեղծագործ միտք,
- Հանրային կապերի միջավայրի և մեխանիզմների լավ իմացություն,
- ՀՀ մարզեր ճամփորդելու հնարավորություն,
- Մեդիա հարաբերությունների կառավարման փորձ,
- Ստեղծագործելու, խմբագրման (ֆոտո /վիդեո/տեքստ) հմտություններ,
- Հայերենի և անգլերենի գերազանց իմացություն, ռուսերենի իմացությունն առավելություն է,
- Գրավոր և բանավոր հաղորդակցության զարգացած հմտություններ,
- Որոշում կայացնելու և պատասխանատվություն կրելու ունակություն և պատրաստակամություն,
- ժամանակի կառավարման և պլանավորման հմտություններ,
- Համակարգչային գիտելիքներ, դիզայներական ծրագրերի իմացությունը կդիտվի որպես առավելություն:
ԱՇԽԱՏԱՎԱՐՁ՝ 350,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքի վերաբերյալ փաստաթուղթ,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Հանրային կապերի և հաղորդակցության համակարգող»։
Մրցույթին մասնակցելու հայտերի ներկայացման վերջնաժամկետը՝ 09.07.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: