Հայաստանի ազգային պոլիտեխնիկական համալսարանը հաղթող է ճանաչվել ՀՀ բարձր տեխնոլոգիական արդյունաբերության նախարարության՝ «Python ծրագրավորման լեզվի I մակարդակի (beginner) դասընթացի» և «Python ծրագրավորման լեզվի II մակարդակի (Intermediate) դասընթացի» դրամաշնորհների հատկացման մրցույթներում, որոնք իրականացվել են «Մասնագետների պատրաստման բուհ-մասնավոր հատված համագործակցություն» 2021 թվականի ծրագրի շրջանակում:

Երկու ծրագրերի ընդհանուր բյուջեն կազմում է շուրջ 40 մլն ՀՀ դրամ: Այն կտրամադրվի մրցույթի արդյունքում հաղթող ճանաչված ՀԱՊՀ Շարունակական կրթության կենտրոնին՝ իրականացնելու 750 մասնակիցների ուսուցումը: