Կայացել է Հայաստանի գեղարվեստական մարմնամարզության բազմամարտի ծրագրով թիմային և անհատական բաց առաջնությունը, որին մասնակցել է 110 մարզուհի՝ Երևանից, Կապանից, Գյումրիից և Ռուսաստանի Դաշնությունից:
Հայաստանի գեղարվեստական մարմնամարզության հավաքականի գլխավոր մարզիչ Գայանե Ներսիսյանը տեղեկացրել է, որ առաջնության արդյունքներով ընտրելու են այն մարզուհիներին, որոնք Հայաստանը կներկայացնեն հունիսի 9-13-ը Վառնայում (Բուլղարիա) կայանալիք Եվրոպայի առաջնությունում:
«Շատ կարևոր էր նախքան Եվրոպայի առաջնությունը տեսնել ընդհանուր մարզավիճակը և հասկանալ, թե ովքեր ինչ վարժություններ կարող են լավագույնս կատարել, քանի որ Վառնայում հանդես է գալու 3 մարզուհի՝ 8 վարժությամբ: Առաջնության ընդհանուր մակարդակից գոհ եմ, սակայն կան մարզադպրոցներ, որոնք, կորոնավիրուսի համավարակով պայմանավորված, մեկ տարի գրեթե չեն աշխատել, ինչի արդյունքում շատերն այն կետում էին, որում մնացել էին 2019 թվականին: Ներկայիս մարզումային պայմանները, ցավոք, բավարար չենք կարող համարել, սակայն աղջիկներն առաջ են գնում մարզաձևի նկատմամբ իրենց մեծ սիրո շնորհիվ»,- ասել է Գայանե Ներսիսյանը և հավելել, որ նախատեսում են եվրոպական ստուգատեսից առաջ ուսումնամարզական հավաք անցկացնել Ծաղկաձորում, ինչից հետո էլ վերջնական կորոշվի՝ ովքեր են մեկնելու Վառնա:
Հայաստանի գեղարվեստական մարմնամարզության առաջնության մրցանակակիրները
Մեծահասակներ, սպորտի վարպետի ծրագիր
- Էդիտա Հովհաննիսյան (Երևան, Կենտրոնի ՄԴ (մարզադպրոց)
- Մարիամ Դավթյան (Գյումրու Մարմնամարզության ՄԴ)
- Գոհար Հովհաննիսյան (Գյումրու մարզական բարձրագույն վարպետության դպրոց (ՄԲՎԴ))
Երիտասարդներ, սպորտի վարպետի ծրագիր
- Մերի Պողոսյան (Երևան, Հրանտ Շահինյանի ՄԴ)
- Իլոնա Ղանդիլյան (Երևան, Հրանտ Շահինյանի ՄԴ)
- Նաստյա Հարությունյան (Գյումրու ՄԲՎԴ)
Մեծահասակների առաջին կարգ
2010 թ. ծնված մարզուհիներ
- Արիաննա Ավագիմյան (Մոսկվա)
- Մարինա Շահբազյան (Գյումրու ՄԲՎԴ)
- Էլիզա Լաչինյան (Կապանի ՄԴ)
2009 թ. ծնված մարզուհիներ
- Մերի Մկրտչյան (Գյումրու ՄԲՎԴ)
- Նարե Ղազարյան (Երևան, Հրանտ Շահինյանի ՄԴ)
- Սոֆիա Կովալ (Գյումրու ՄԲՎԴ) և Ինեսա Ադամյան (Կապանի ՄԴ)
Սպորտի վարպետի թեկնածուի ծրագիր
2008 թ. ծնված մարզուհիներ
- Միլենա Ասրիյան (Երևան, Հրանտ Շահինյանի ՄԴ)
- Աննա Բադալյան (Գյումրու ՄԲՎԴ)
- Անգելինա Սայադյան (Երևան, Հրանտ Շահինյանի ՄԴ)
2007 թ. ծնված մարզուհիներ
- Ալինա Տուկտարևա (Մոսկվա) և Լիլի Գույումջյան (Երևան, Հրանտ Շահինյանի ՄԴ)
- Ինգա Գրիգորյան (Գյումրու ՄԲՎԴ)
- Կարինա Մխիթարյան (Երևան, Հրանտ Շահինյանի ՄԴ) և Ջուլիետա Ավետիսյան (Երևան, Կենտրոնի ՄԴ)
2006 թ. ծնված մարզուհիներ
- Անժելիկա Կարախանյան (Երևան, Հրանտ Շահինյանի ՄԴ)
- Հասմիկ Մանուկյան (Երևան, Հրանտ Շահինյանի ՄԴ)
- Էրիկա Դավիդյան (Երևան, Հրանտ Շահինյանի ՄԴ)
Թիմային պայքարում առաջին մրցանակին արժանացել է Երևանի Հրանտ Շահինյանի անվան ակրոբատիկայի, սպորտային և գեղարվեստական մարմնամարզության օլիմպիական մանկապատանեկան մարզադպրոցի առաջին թիմը, երկրորդ մրցանակին՝ նույն մարզադպրոցի երկրորդ և Գյումրու մարզական բարձրագույն վարպետության դպրոցի թիմերը, իսկ լավագույն եռյակը եզրափակել է Երևանի Կենտրոնի մանկապատանեկան համալիր մարզադպրոցի թիմը: