Կազմակերպությունը՝ «Կրթության զարգացման և նորարարությունների ազգային
կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ Մշտադիտարկման/ծրագրային մարզային պատասխանատու (Արագածոտնի մարզ)
Աշխատանքի տեսակը՝ Կես դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Աջակցում է Արագածոտնի մարզում ծրագրերի հետ կապված գործունեության մշտադիտարկման և ծրագրային միջոցառումների կազմակերպման աշխատանքներին։
- Մշտադիտարկման և հետազոտությունների համակարգողին տրամադրում է տարածքային կառավարման մարմինների (մարզպետարանների) հետ համագործակցության վերաբերյալ մշտապես թարմացվող, օբյեկտիվ տեղեկատվություն։
- Համագործակցելով դպրոցների տնօրենների և մարզպետարանի համապատասխան ստորաբաժանումների հետ իրականացնում է դպրոցական ճաշարանների/խոհանոցների/սննդի պահեստների պայմանների բարելավմանն ուղղված կարիքների գնահատում արդեն մշակված հարցաշարերի (ձևաչափերը կտրամադրվի) հիման վրա մարզի դպրոցների տվյալների բազայի թարմացման համար:
- Ամեն տարի նախքան ուսումնական տարվա սկիզբը, ինչպես նաև կորոնավիրուսի համավարակով պայմանավորված, դպրոցների տնօրենների, մարզպետարանի և ԿԳՄՍՆ-ի հետ համատեղ քննարկումների արդյունքում ներկայացնում է առաջարկություններ դպրոցական ճաշարանների գործունեության հետագա վերաբացմանն ուղղված գործողությունների վերաբերյալ, կատարում է դպրոցներում առկա խնդիրների առանձնացում:
- Աջակցում է դպրոցական սննդի ծրագրին առնչվող այլ գործառույթներին, այդ թվում նաև՝ մարզային միջոցառումներին և հանդիպումներին:
- Ապահովում է հաշվետվողականություն՝ յուրաքանչյուր երկու շաբաթը մեկ ներկայացնելով իր կատարած աշխատանքի հակիրճ հաշվետվություն:
- Մշակում և առաջարկում է մարզում դպրոցական սնունդ ծրագրի` ներառյալ ընդլայնված դպրոցական սնունդ բաղադրիչի իրականացման տարեկան մոնիթորինգային պլանը, ըստ պլանի կազմում և ներկայացնում է զեկույցներ (տեղեկանքներ) արդյունքների մասին և կրկնակի այցերով արձանագրում է առանձնացված խնդիրների շտկումները:
- Յուրաքանչյուր կիսամյակի վերջում ներկայացնում է առանձնացված խնդիրների լուծմանն ուղղված առաջարկություններ, ինչպես նաև դպրոցական ճաշարան/խոհանոցների զարգացման պլաններում կատարում է թարմացումներ:
- Աջակցում է դպրոցներին դպրոցական ճաշարանների զարգացման պլանների մշակման, ֆոնդհայթայթման պլանի համար նախնական տեղեկատվության տրամադրման և կիսամյակային արդյունքների ամփոփիչ զեկույցների պատրաստման հարցերում:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն,
- Ծրագրերի մշտադիտարկման ոլորտում առնվազն 2 տարվա աշխատանքային փորձ,
- Վերլուծությունների և/կամ հետազոտությունների արդյունքների ներկայացման գերազանց ունակություններ,
- Արդյունավետ հաղորդակցման և պլանավորման հմտություններ,
- Դաշտային աշխատանքների (ցանկալի է կրթության ոլորտում) շոշափելի փորձ,
- Տվյալ մարզի կրթական համակարգում առկա խնդիրների իմացություն,
- ՀՀ մարզերում ճամփորդելու հնարավորություն,
- Տեղական ինքնակառավարման մարմինների հետ համագործակցության փորձ,
- Քաղաքացիական հասարակության կազմակերպությունների հետ աշխատելու փորձը կդիտվի որպես առավելություն:
- Հանրային սննդի կազմակերպման ոլորտում աշխատանքային փորձը կդիտվի որպես առավելություն:
- Միջազգային ֆինանսավորմամբ իրականացվող ծրագրերում աշխատանքային փորձը կդիտվի որպես առավելություն:
- Համակարգչային հմտություններ,
- Հայերենի գերազանց, անգլերենի լավ իմացություն, ռուսերենի իմացությունն առավելություն է:
ԱՇԽԱՏԱՎԱՐՁ՝ 200,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Մշտադիտարկման/ծրագրային մարզային պատասխանատու (Արագածոտնի մարզ)»։
Մրցույթին մասնակցելու հայտերի ներկայացման վերջնաժամկետը՝ 30.04.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: