Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Սննդի հիգիենայի մասնագետ»
Աշխատանքի տեսակը՝ Կես դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Ուսումնասիրում է հանրակրթական հաստատություններում սննդի կազմակերպմանը վերաբերող իրավական ակտերը, ներկայացնում բարելավման և նորացման առաջարկներ համաձայն ժամանակից լավագույն համաշխարհային փորձի, մշակում արդյունավետ կիրառման և վերահսկման համար մեխանիզմների փաթեթ:
- Համակարգում է դպրոցական սննդին վերաբերող սննդի անվտանգության և սննդի հիգիենայի համապարփակ ուղեցույցի մշակումը:
- Վերլուծում է տաք սնունդ տրամադրող դպրոցների իրավիճակային վերլուծության և կարիքների գնահատման բազան, յուրաքանչյուր դպրոցի համար կազմում է եզրակացություն բարելավման առաջարկությունների և կարիքների ցուցակագրում:
- Տվյալների ուսումնասիրության հիման վրա կազմում է դպրոցների անձնակազմերին խորհրդատվությունների ծրագիր և գրանցված բացերի վերացման ուղղությամբ առաջարկների փաթեթներ:
- Համագործակցում է սննդաբանի հետ ճաշացանկերի կազմման, մոնիթորինգի և վերլուծությունների աշխատանքներում:
- Համագործակցում է դասընթացների/միջոցառումների կազմակերպչի հետ խոհարարների և դպրոցի տնօրենների համար նախատեսված սննդամթերքի անվտանգության, և սննդի հիգիենային առնչվող մոդուլներով դասընթացների կազմակերպման, մոնիթորինգի և գնահատման աշխատանքներում:
- Հրահանգավորում է մարզային մոնիթորինգի մասնագետներին սննդամթերքի անվտանգության և սննդի հիգիենայի մոնիթորինգի ցուցանիշներին, խնդիրների բացահայտման հիմնական մեթոդների վերաբերյալ:
- Վերլուծություններ է իրականացնում, թե որքանով են համապատասխանում հանրակրթական դպրոցների իրավիճակը ՀՀ գործող օրենսդրության ներկայացվող պահանջներին` ներկայացված գործող դպրոցական խոհանոցների և ճաշարաններում սննդի կառույցներին; սննդամթերքի պատրաստման, մշակման կամ վերամշակման համար նախատեսված սննդի կառույցներին; սարքավորումների հիգիենայի ներկայացվող պահանջներին; սննդային թափոններին; ջրամատակարարմանը, անձնակազմի հիգիենայի, սննդամթերքի հիգիենային, սննդամթերքի ջերմային մշակմանը, գնումներին, մատակարարումներին:
- Համագործակցում է սննդաբանի հետ դպրոցական սննդի կազմակերպման տարբեր մոդելների համար խոհանոցային և ճաշարանային գույքի, սպասքի, պայմանների վերաբերյալ հաշվարկների և փաթեթների նախագծման աշխատանքներում:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն կանխարգելիչ բժշկության, սննդաբանության, սննդի հիգիենա, աննդի անվտանգության ոլորտներում,
- Ոլորտի ՀՀ օրենսդրության իմացություն,
- Ոլորտում միջազգային ստանդարտների իմացություն,
- Առնվազն 5 տարվա համանման աշխատանքի փորձ,
- Հանրային սննդի կազմակերպման վերաբերյալ հիգիենիկ պահանջների իմացություն, հանրակրթական հաստատություններում սննդի կազմակերպման պետական և միջազգային հիգիենիկ ստանդարտների իմացությունը կդիտվի որպես առավելություն,
- Վտանգի աղբյուրների վերլուծություն և կրիտիկական կետերի հսկում, (HACCP) համակարգի իմացություն,
- Միաժամանակ բազմաբնույթ առաջադրանքներ կատարելու, առաջնահերթություններ սահմանելու ունակություններ,
- Սննդի սպասարկող, ադմինիստրատիվ անձնակազմերի, աշակերտների, ծնողների և դպրոցական համայնքի հետ արդյունավետ աշխատանքային հարաբերություններ հաստատելու և արդյունավետ հաղորդակցվելու կարողություն,
- Սննդամթերքի և սնման, սննդի արժեքի հաշվառման, մենյուի կառավարման, սննդի արժեքների և սննդի սննդային պարունակության իմացություն,
- Սննդի սպասարկման ղեկավարների և անձնակազմի ուսուցման ծրագրեր մշակելու և անցկացնելու ունակություն,
- Թիմում աշխատելու ունակություն,
- ՀՀ մարզեր ճամփորդելու հնարավորություն,
- Հայերենի և անգլերենի գերազանց իմացություն, ռուսերենի իմացությունն առավելություն է:
- Դասավանդման ֆորմալ և ոչ ֆորմալ մեթոդների իմացություն, արդյունքների գնահատման կարողություն:
ԱՇԽԱՏԱՎԱՐՁ՝ 230,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Սննդի հիգիենայի մասնագետ:
Մրցույթին մասնակցելու հայտերի ներկայացման վերջնաժամկետը՝ 29.03.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը ստեղծվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են՝ ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: