Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Մասնագիտական կրթություն և ուսուցում (ՄԿՈՒ) և մասնագիտական հավաստագրման/կարողությունների զարգացման ծրագրերի պատասխանատու»
Աշխատանքի տեսակը՝ Ամբողջ դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Պատասխանատու է Դպրոցական սնունդ ծրագրի միջոցով ներգրավված, աշխատող անձանց` խոհարարներ, այգեպաններ և այլն, ՄԿՈԻ հավաստագրման ուղղությամբ տարվող աշխատանքների համակարգման և միջոցառումների կազմակերպման համար:
- Պատասխանատու է ՀՀ ԿԳՄՍՆ, ՄԿՈՒ հաստատությունների և ոլորտային տեղական/ միջազգային այլ կառույցների հետ համագործակցության համար:
- Ստեղծում և վարում է ՄԿՈՒ ոլորտում գործող կառույցների, դրանց տեխնիկական աջակցություն ցուցաբերող հիմնարկների/ծրագրերի և աշխատաշուկայում գործող ուսուցանող կազմակերպությունների տվյալների բազա՝ ըստ ոլորտների, տարածաշրջանի, կարիքների և այլ ցուցանիշների:
- Մշակում է Ընդլայնվող դպրոցական սնունդ բաղադրիչի (դպրոցահենք ջերմոցներ, այգիներ, արևային պանելներ և այլն) իրականացման համատեքստում ՀՀ ՄԿՈՒ կարողությունների գնահատման մեթոդաբանությունը, համակարգում է կարողությունների գնահատումը և մշակում զարգացման ծրագրի հայեցակարգն ու գործողությունների ծրագիր:
- Իրականացնում է խոհարարական մասնագիտական կրթության զարգացման, նախագծման, մոդելավորման և հատուկ կրթաթոշակային սխեմայի ձևավորման աշխատանքները:
- Կազմակերպում է խորհրդակցություններ ՄԿՈՒ հաստատությունների, ուսուցանող կազմակերպությունների, ՀՀ ԿԳՄՍՆ և ոլորտում ակտիվ այլ կառույցների հետ՝ ուժեղ և թույլ կողմերի վերլուծության, զարգացման գաղափարների հավաքագրման և դրանց հիման վրա մշակում ծրագրեր:
- Համակարգում է կարճաժամկետ ՄԿՈՒ կրթական ծրագրերի մշակումը դպրոցական խոհարարների համար` որպես խոհարարների պաշտոնական հավաստագրման հնարավորություններ ստեղծելու ճանապարհի առաջին փուլ:
- ՄԿՈՒ մշակված կրթական ծրագրերը ներկայացնում է ծրագրերի շահագրգիռ կողմերի դիտարկմանը և ապահովում է փաստաթղթերի լրամշակումը և ամփոփումը:
- Աջակցում է Հիմնարկի տնօրենին մշակված ՄԿՈՒ կրթական ծրագրերի հաստատման գործընթացի կազմակերպման աշխատանքներում:
- Իրականացնում է ՄԿՈՒ հաստատությունների շրջանում դպրոցական սնունդ ծրագրի «Խոհարար» կարճաժամկետ վերապատրաստման դասընթացի մոդուլի և ծրագրի մշակման առաջադրանքի պայմանների մշակման, մրցույթի հայտարարման, իրականացնողի ընտրության, շահակից կազմակերպությունների շրջանում արդյունքների շրջանառման աշխատանքները:
- Համակարգում է «Խոհարար» կարճաժամկետ վերապատրաստման դասընթացի մոդուլի և ծրագրի մշակման նպատակով ընտրված խորհրդատուի աշխատանքները և ընդունում է ծառայությունների արդյունքները:
- Կատարում է ոլորտին վերաբերող այլ առաջադրանքներ:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն,
- ՄԿՈՒ ոլորտում առնվազն 3 տարվա աշխատանքի փորձ,
- Հայաստանի մարզերում աշխատանքի կամ ծրագրերի իրականացման փորձ,
- ՀՀ մարզեր ճամփորդելու հնարավորություն,
- Միջոցառումների կազմակերպման փորձ,
- Կազմակերպչական հմտություններ և խնդիրների լուծման նկատմամբ ստեղծագործ մոտեցում,
- Ժամանակի կառավարման գերազանց կարողություն, առաջնահերթություններ սահմանելու հմտություն,
- Միևնույն ժամանակ մի քանի հանձնարարական իրականացնելու կարողություն,
- Կրթական ոլորտում և երեխաների հետ աշխատանքի փորձը կդիտվի որպես առավելություն,
- Հաղորդակցման հմտություններ, ներառյալ՝ գրավոր հաղորդակցում, միջանձնային շփում և հանրային ելույթներ՝ հայերեն, անգլերեն լեզուներով, ռուսերենի իմացությունը կդիտվի որպես առավելություն:
ԱՇԽԱՏԱՎԱՐՁ՝ 350,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «ՄԿՈՒ և մասնագիտական հավաստագրման/կարողությունների բարձրացման ծրագրերի պատասխանատու»։
Մրցույթին մասնակցելու հայտերի ներկայացման վերջնաժամկետը՝ 25.03.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: