Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ «Դասընթացների և միջոցառումների կազմակերպման պատասխանատու»
Աշխատանքի տեսակը՝ Ամբողջ դրույք
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Կազմակերպում, համակարգում և իրականացնում է Հիմնարկի տարեկան գործողությունների պլանով նախատեսված հանրային միջոցառումները՝ աշխատաժողովներ, հանրային քննարկումներ, կլոր սեղաններ, հանդիսավոր ներկայացման միջոցառումներ, ներառյալ`
- Դպրոցական սննդի ռազմավարության և հարակից իրավական շրջանակի հանրայնացման աշխատանքները՝ ըստ փուլերի,
- դպրոցների անձնակազմի դասընթացների, խոհարարական վարպետաց դասերի մասնակիցների ներգրավման, մասնակիցների (տնօրեններ, խոհարարներ, ծնողներ) և դասընթացավարների հետ կապի աշխատանքները, դասընթացների կազմակերպչական և իրազեկման աշխատանքները` համագործակցելով Հիմնարկի մարզային ներկայացուցիչների և մարզպետարանների հետ:
- Տեղեկատվական կառավարման համակարգի և մոնիտորինգ/գնահատման համակարգի ներդրման դասընթացների, հրահանգավորումների աշխատանքները:
- Հիմնարկի գործունեության հետ կապված այլ իրադարձություններ և միջոցառումներ, որոնք կարող են ի հայտ գալ Հիմնարկի ընթացիկ գործունեության ընթացքում:
- Իրականացնում է խոհարարների համազգեստների և դասընթացների իրականացման հետ կապված ապրանքների և ծառայությունների պատվերի ձևավորման, կարիքի հաշվառման աշխատանքները և աջակցում է գնումների մասնագետին:
- Աջակցում է սննդաբանին և սննդի հիգիենայի մասնագետին՝ դպրոցական սնունդ ծրագրով աշխատակազմերի խորհրդատվությունների և տեղեկատվական հանդիպումների կազմակերպման աշխատանքներում:
- Աջակցում է հանրային հաղորդակցության և ֆոնդհայթայթման պատասխանատուներին միջոցառումների կազմակերպչական աշխատանքներում:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն,
- Առնվազն 2 տարվա աշխատանքային փորձ դասընթացների և/կամ միջոցառումների կազմակերպման և համակարգման ոլորտում,
- Լայնամասշտաբ միջոցառումների կազմակերպման փորձ,
- ՀՀ մարզերում ճամփորդելու հնարավորություն,
- Կազմակերպչական հմտություններ և խնդիրների լուծման նկատմամբ ստեղծագործ մոտեցում,
- Կրթական ոլորտում և երեխաների հետ աշխատանքի փորձը կդիտվի որպես առավելություն,
- ՀՀ մարզերում աշխատանքի կամ ծրագրերի իրականացման փորձը կդիտվի որպես առավելություն,
- Ճկունություն աշխատանքային ժամանակացույցի վերաբերյալ,
- Հաղորդակցման հմտություններ, ներառյալ՝ գրավոր հաղորդակցում, միջանձնային շփում և հանրային ելույթներ՝ հայերեն, անգլերեն լեզուներով, ռուսերենի իմացությունն առավելություն է,
- Ժամանակի կառավարման և պլանավորման հմտություններ:
ԱՇԽԱՏԱՎԱՐՁ՝ 350,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Դասընթացների և միջոցառումների կազմակերպման պատասխանատու»։
Մրցույթին մասնակցելու հայտերի ներկայացման վերջնաժամկետը՝ 25.03.2021թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: