Հունվարի 31-ին Երևանի օլիմպիական հերթափոխի պետական մարզական քոլեջում մեկնարկել է ծանրամարտի Հայաստանի առաջնությունը: Առաջինը պայքարի են դուրս եկել կանայք. 10 քաշային կարգում Հայաստանի չեմպիոնի կոչման համար պայքարել է 35 մարզուհի:
Ծանրամարտի կանանց հավաքականի գլխավոր մարզիչ Արտաշես Ներսիսյանի խոսքով՝ կորոնավիրուսի համավարակը չէր կարող բացասական ազդեցություն չունենալ. մրցաշարերի և հավաքների բացակայության հետևանքով մարզուհիները դեռևս չեն մոտեցել իրենց լավագույն մարզավիճակին:
«Աղջիկները հանդես են եկել իրենց հնարավորությունների 85-90%-ի չափով: Անակնկալներ, կարելի է ասել, չեն գրանցվել. միայն +87 կգ քաշային կարգում Արփինե Դալալյանը մեջքի վնասվածքի պատճառով զբաղեցրեց երկրորդ հորիզոնականը, իսկ չեմպիոն դարձավ Ջուլիետա Ավանեսյանը: Ուսումնամարզական հավաքների միջոցով մինչև ապրիլ կփորձենք մոտենալ լավագույն մարզավիճակին: Առջևում Եվրոպայի առաջնությունն է, անհրաժեշտ է հավուր պատշաճի պատրաստվել մեդալներ և Օլիմպիական խաղերի վարկանիշ նվաճելու համար»,- ասել է Ա. Ներսիսյանը և հավելել, որ կանանց հավաքականը փետրվարի 10-ից ուսումնամարզական հավաք է անցկացնելու Աբովյանի մարզաբազայում:
Կանանց առաջնությունում, ըստ քաշային կարգերի, մրցանակակիր են դարձել.
45 կգ
- Լարիսա Հարությունյան
- Գյուլնարա Տիգրանյան
- Հռիփսիմե Ղազարյան
49 կգ
- Կարինե Ավդալյան
- Անի Քոլոյան
- Հասմիկ Խաչատրյան
55 կգ
- Ալեքսանդրա Գրիգորյան
- Վալենտինա Մովսիսյան
- Կարինե Ազիզյան
59 կգ
- Իզաբելա Յայլյան
- Մերի Միսակյան
- Անի Թումասյան
64 կգ
- Անուշ Արշակյան
- Աննա Ամրոյան
- Ալինա Սուքիասյան
71 կգ
- Միլենա Խաչատրյան
- Մարիամ Միքայելյան
- Էլեն Հարությունյան
76 կգ
- Էմմա Պողոսյան
- Մերի Թումասյան
- Արփինե Նիկոլյան
81 կգ
- Լիանա Գյուրջյան
- Մարգարիտա Առաքելյան
- Վերոնիկա Նալբանդյան
87 կգ
- Տաթև Հակոբյան
- Մարիամ Մկրտչյան
- Նանե Ստեփանյան
+87 կգ
- Ջուլիետա Ավանեսյան
- Արփինե Դալալյան
- Սյուզաննա Գրիգորյան
Հավելենք, որ մինչև փետրվարի 6-ը կընթանա տղամարդկանց առաջնությունը, որին մասնակցում է ավելի քան 100 ծանրորդ: