Հունվարի 16-19-ը Աշոցքում կայացել է Հայաստանի դահուկավազքի 2020 թվականի բաց առաջնության առաջին փուլը, որին մասնակցել է 30 դահուկորդ:
Տղամարդկանց 10 կմ դասական ոճում 33:25.6 րոպե արդյունքով չեմպիոն է դարձել Միքայել Միքայելյանը (ՖԻՄԱ-Աշոցք): Երկրորդ տեղը զբաղեցրել է Թադևոս Պողոսյանը (33:45.4, Աշոցք), իսկ եռյակը եզրափակել է Երվանդ Մանուկյանը (38:32.4, Աշոցք): 10 կմ ազատ ոճում կրկին լավագույն արդյունքը (28:30.8 րոպե) գրանցել է Միքայել Միքայելյանը, երկրորդը Թադևոս Պողոսյանն է (29:57.6), իսկ երրորդ տեղում Մյասնիկ Ղարիբյանն է (32:32.0, Գյումրի-1): Տղամարդկանց 1.4 կմ արագավազքում ևս առաջին տեղը զբաղեցրել է Միքայել Միքայելյանը: Երկրորդ մրցանակակիրը Թադևոս Պողոսյանն է, իսկ երրորդ տեղում Երվանդ Մանուկյանն է:
Կանանց պայքարում բացարձակ չեմպիոն է դարձել Կատյա Գալստյանը, որը լավագույն արդյունքն է գրանցել դասական ու ազատ ոճերում և արագավազքում:
5 կմ դասական ոճ, կանայք
- Կատյա Գալստյան – 19:26.1 (ՖԻՄԱ-Աշոցք)
- Վարսենիկ Ավետիսյան - 24:55.2 (Գյումրի-1)
- Անգելինա Մուրադյան – 25:54.8 (Աշոցք)
5 կմ ազատ ոճ, կանայք
- Կատյա Գալստյան - 16:56.5 (ՖԻՄԱ-Աշոցք)
- Անգելինա Մուրադյան – 21:57.4 (Աշոցք)
- Վարսենիկ Ավետիսյան – 22:04.7 (Գյումրի-1)
1.4 կմ արագավազք, դասական ոճ, կանայք
- Կատյա Գալստյան (ՖԻՄԱ-Աշոցք)
- Վարսենիկ Ավետիսյան (Գյումրի-1)
- Անգելինա Մուրադյան (Աշոցք)
Նշենք, որ Հայաստանի դահուկավազքի բաց առաջնությունն ընդգրկված է միջազգային ֆեդերացիայի օրացույցային պլանում և համարվում է վարկանիշային: Առաջնության երկրորդ փուլը կկայանա փետրվարի 7-9-ը կրկին Աշոցքում: