Նոյեմբերի 25-26-ը կայացել է ազատ ոճի ըմբշամարտի Հայաստանի առաջնությունը: 10 քաշային կարգում Հայաստանի չեմպիոնի կոչման համար պայքարել է 75 ըմբիշ: Ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրղինյանին մասնակիցների թիվը չի գոհացնում, սակայն ելույթները տպավորիչ են։ Մարզիչը նշել է, որ առաջնության արդյունքները հաշվի է առնելու հաջորդ տարվա Եվրոպայի առաջնության համար կազմ ընտրելիս.

«Մասնակիցները լավ մարզավիճակում են, բոլորը հանդես եկան իրենց հնարավորությունների սահմանում: Այս առաջնությամբ, կարելի է ասել, տալիս ենք հաջորդ տարվա մեկնարկը: Առաջիկայում կլինեն հավաքներ և միջազգային մրցաշար Իրանում, որոնց կհաջորդեն Եվրոպայի առաջնությունը և Օլիմպիական խաղերի համար վարկանիշային մրցաշարերը:

Այսօրվա արդյունքները հաշվի կառնենք Եվրոպայի առաջնության կազմ ընտրելիս, բայց այժմ վերջնական չեմ կարող ասել, որ բոլոր հաղթողները կմասնակցեն Եվրոպայի առաջնությանը: Չեմպիոնների՝ մասնակցելու հնարավորություններն ավելի մեծ կլինեն, սակայն մյուսների տարբերակները չենք բացառելու. սպորտ է, ամեն ինչ պատահում է»,- ասել է Հ. Կուրղինյանը:

Հայաստանի առաջնությանը չի մասնակցել այս տարվա Եվրոպայի առաջնության չեմպիոն Արսեն Հարությունյանը, ով վնասվածք էր ստացել և հիմա վերականգնողական փուլում է։
Հայաստանի առաջնության մրցանակակիրներ են դարձել՝

57 կգ քաշային կարգ

  1. Միհրան Ջաբուրյան
  2. Գարիկ Բարսեղյան
  3. Ռազմիկ Միսակյան, Առաքել Մովսեսյան

61 կգ քաշային կարգ

  1. Ռազմիկ Պապիկյան
  2. Հարություն Մանուկյան
  3. Վաղինակ Մաթևոսյան, Աշոտ Վելիցյան

65 կգ քաշային կարգ

  1. Վալոդյա Ֆրանգուլյան
  2. Վազգեն Թևանյան
  3. Գևորգ Թադևոսյան, Մեջլում Մեջլումյան

70 կգ քաշային կարգ

  1. Գևորգ Մխեյան
  2. Արման Անդրեասյան
  3. Նարեկ Սիրունյան, Գոռ Թորոսյան

74 կգ քաշային կարգ

  1. Հրայր Ալիխանյան
  2. Խաչատուր Պապիկյան
  3. Դավիթ Զուրաբյան

79 կգ քաշային կարգ

  1. Արման Ավագյան
  2. Վարուժան Կաջոյան
  3. Հովիկ Աղբալյան, Տիգրան Առաքելյան

86 կգ քաշային կարգ

  1. Հովհաննես Մխիթարյան
  2. Գրիգոր Գրիգորյան
  3. Սասուն Պապոյան

92 կգ քաշային կարգ

  1. Մարզպետ Գալստյան
  2. Սերգե Սարգսյան
  3. Սերոբ Հովհաննիսյան

97 կգ քաշային կարգ

  1. Սարգիս Հովսեփյան
  2. Կոլյա Հարությունյան
  3. Արման Մկրտչյան

125 կգ քաշային կարգ

  1. Անդրանիկ Գալստյան
  2. Հովհաննես Մաղաքյան
  3. Աշոտ Ռուշանյան

Հավելենք, որ հունահռոմեական ոճի ըմբշամարտի Հայաստանի առաջնությունը կայանալու է դեկտեմբերի 3-4-ը: