ՀՀ կրթության, գիտության, մշակույթի և սպորտի նախարարությունը հայտարարում է 2020 թ. Վենետիկում կայանալիք ճարտարապետական 17-րդ միջազգային բիենալեին մասնակցելու նպատակով հայկական տաղավարի համադրողի (հայտերը ընդունվում են համադրողի կողմից ճարտարապետ(ների) և հայեցակարգի հետ միասին) ընտրության մրցույթի հայտագրում:

Մրցույթին կարող են մասնակցել 18 տարին լրացած Հայաստանի Հանրապետության քաղաքացիները:

Ճարտարապետական 17-րդ միջազգային բիենալեի մրցույթի վերաբերյալ ավելի մանրամասն կարող եք ծանոթանալ հետևյալ հղումով՝ https://www.labiennale.org/en/architecture/2020:

Հայտագրվելու համար անհրաժեշտ է մինչև 2019 թ. դեկտեմբերի 12-ը labiennale@mincult.am հասցեի միջոցով ՀՀ կրթության, գիտության, մշակուկթի և սպորտի նախարարություն ուղարկել ինքնակենսագրություն (CV)` հայերեն և անգլերեն լեզուներով, ցուցադրության գաղափարի (կոնցեպտ) նկարագիրը և առաջարկվող ճարտարապետների անունները:

Հայտերի ընդունման վերջնաժամկետն է 2019 թ. դեկտեմբերի 12-ը:

Կոնտակտային անձ՝ Մարիամ Գիգոյան, ՀՀ ԿԳՄՍ նախարարության արտաքին կապերի և սփյուռքի վարչության մասնագետ, հեռ.՝ 011 52 39 40: