Հոկտեմբերի 26-ին` ժամը 16:00-ին Ալեքսանդր Սպենդիարյանի տուն-թանգարանում տեղի կունենա «Ուկրաինական երգերը Սպենդիարյանի մշակումներում» խորագրով համերգ:
Ա. Սպենդիարյանի ուկրաինական ժողովրդական երգերի մշակումները կհնչեն բնագրով՝ ուկրաիներենով:
Ելույթ կունենան՝ Լիաննա Վարդանյանը (սոպրանո), Նարինե Անանիկյանը (մեցցո սոպրանո), Մկրտիչ Մկրտչյանը (բարիտոն), Կարինե Հովհաննիսյանը (դաշնամուր):
Միջոցառմանը կմասնակցեն նաև Տերնոպոլի ազգային տնտեսագիտական համալսարանի երևանյան մասնաճյուղի ուսանողները (տեքստերի ընթերցումներ):
Կյանքի մեծ մասը բազմազգ Ղրիմում ապրած կոմպոզիտորն ուսումնասիրել, մշակել և գրի է առել հայկական, թաթարական, ռուսական, ուկրաինական, հունական, հրեական ազգային մեղեդիներ:
Մուտքը՝ հրավիրատոմսերով: