Սեպտեմբերի 20-ին՝ ժամը 19:00-ին Վանաձորի Հովհաննես Աբելյանի անվան պետական դրամատիկական թատրոնում կմեկնարկի 88-րդ թատերաշրջանը: Բացումը տեղի կունենա «Անուշ» ներկայացման առաջնախաղով, բեմադրիչ՝ Վահե Շահվերդյան:

Թատերաշրջանն այս տարի հատկանշվում է Աբելյանական 3-րդ և «Թատերական Լոռի» 25-րդ փառատոներով, որոնք միավորվել են Հովհաննես Թումանյանի 150-ամյա հոբելյանի շուրջ:

Փառատոներին մասնակցելու են Հայաստանի և արտերկրի տարբեր թատրոններ: