11 մեդալ Եվրոպական խաղերից և 11 հարց մեր մարզիկներին.
Սամբիստ Տիգրան Կիրակոսյան. երկրորդ Եվրոպական խաղերում դարձել է չեմպիոն (52 կգ քաշային կարգ):
- Ո՞րն էր առաջին միտքը, որ ծագեց, երբ հասկացաք՝ հաղթել եք:
- Այն, որ չպարտվեցի ադրբեջանցի մարզիկին:
- Ի՞նչ զգացողություն ունեցաք, երբ բարձրացվեց հայկական եռագույնը:
- Հպարտության և ուրախության մեծ զգացում:
- Դժվա՞ր է չեմպիոն լինել:
- Երբեմն դժվար է, ոչինչ հեշտ չի տրվում:
- Ամենապատասխանատու պահը Ձեր սպորտային կարիերայում:
- Ցանկացած պահ էլ վճռորոշ է և պատասխանատու:
- Հաջորդ բարձունքը, որը կցանկանաք նվաճել :
- Հուսամ՝ սամբոն կդառնա օլիմպիական մարզաձև, և ես կկարողանամ մասնակցել հաջորդ Օլիմպիական խաղերին:
- Կաևորագույն հատկանիշը՝ չեմպիոն դառնալու ճանապարհին:
- Անհրաժեշտ է սիրել ընտրածդ մարզաձևը, լինել աշխատասեր և ունենալ կամքի ուժ:
- Որևէ մեկին նվիրո՞ւմ եք Ձեր հաղթանակը:
- Ամբողջ հայ ժողովրդին:
- Ո՞վ կամ ի՞նչն է Ձեզ ոգեշնչում:
- Դժվարանում եմ ասել:
- Ի՞նչ կցանկանաք ասել պատանի մարզիկներին, որոնք դեռ բարձունքներ նվաճելու ճանապարհին են:
- Խորհուրդ եմ տալիս քրտնաջան մարզվել, երբեք չհանձնվել ու չհուսահատվել:
- Ի՞նչ կցանկանաք ասել երկրպագուներին, որոնք այս ընթացքում հետևում էին Ձեր հաղթական ճանապարհին:
- Շնորհակալ եմ միշտ կողքիս լինելու և քաջալերելու համար:
- Ո՞ւմ կուզեք շնորհակալություն հայտնել այս մեդալի համար:
- Շնորհակալ եմ Հայաստանի ազգային օլիմպիական կոմիտեի նախագահ Գագիկ Ծառուկյանին, ով միշտ կանգնած է մեր թիկունքին: