Հայաստանի ավանդական ուշուի ֆեդերացիայի պատվիրակությունը 14 ոսկե, 11 արծաթե և 2 բրոնզե մեդալ է նվաճել Ուշուի Եվրոպայի 20-րդ առաջնությունում:

Թաոլու ոճում ՝ պատանիներ՝ 2 արծաթե, մեծահասակներ՝ 1 ոսկե, 1 արծաթե,

Սանդա ոճում՝ պատանիներ՝ 4 ոսկե, 2 արծաթե, երիտասարդներ՝ 5 ոսկե, 2 արծաթե, 1 բրոնզե, մեծահասակներ՝ 4 ոսկե, 4 արծաթե, 1 բրոնզե,

Հայաստանի պատվիրակությունը մրցաշարում ունեցել է նաև 3 մրցավար` երկուսը թաոլու ոճում (Արամ Այդինյանը և Լուսինե Պողոսյանը) և մեկը սանդա ոճում (Գևորգ Խաչատրյանը):

Պատվիրակությունը գլխավորում էր Հայաստանի ավանդական ուշուի ֆեդերացիայի նախագահ Ռուստամ Ալավերդյանը:

Թաոլու ոճում

Արտաշես Ալավերդյանը Ուշուի Չոյ Լի Ֆուտ ոճի պատանիների պայքարում դարձել է արծաթե մեդալակիր:

Սիրանուշ Ավագյանը Ուշուի Չոյ Լի Ֆուտ ոճի պատանիների պայքարում դարձել է արծաթե մեդալակիր:

Արտաշես Ավագյանը Ուշուի Հունգար ոճի մեծահասակների պայքարում դարձել է ոսկե մեդալակիր, իսկ Դաոշու (լայն թուր) ոճում դարձել է արծաթե մեդալակիր:

Սանդա ոճում

Գրիշա Ալիխանյանը պատանիների պայքարում (45կգ) դարձել է Եվրոպայի չեմպիոն:

Սարգիս Երիցյանը պատանիների պայքարում (48կգ) դարձել է Եվրոպայի փոխչեմպիոն:

Ֆելիկս Տերզիկյանը պատանիների պայքարում (52կգ) դարձել է Եվրոպայի փոխչեմպիոն:

Ալեքս Խաչատրյանը պատանիների պայքարում (56կգ) դարձել է Եվրոպայի չեմպիոն:

Պավել Մանգասարյան պատանիների պայքարում (60կգ) դարձել է Եվրոպայի չեմպիոն:

Միքայել Ալավերդյանը պատանիների պայքարում (64կգ) դարձել է Եվրոպայի չեմպիոն:

Կարոլինա Համբարձումյանը երիտասարդների պայքարում (48կգ) դարձել է Եվրոպայի կրկնակի չեմպիոն:

Մանե Եգանյանը երիտասարդների պայքարում (52կգ) դարձել է Եվրոպայի կրկնակի չեմպիոն:

Ասպրամ Խոսրովյանը երիտասարդների պայքարում (56կգ) դարձել է Եվրոպայի բրոնզե մեդալակիր

Դավիթ Հովհաննիսյան երիտասարդների պայքարում (48կգ) դարձել է Եվրոպայի չեմպիոն:

Կարեն Սահակյանը երիտասարդների պայքարում (52կգ) դարձել է Եվրոպայի կրկնակի փոխչեմպիոն:

Էրիկ Վիրաբյանը երիտասարդների պայքարում (65կգ) դարձել է Եվրոպայի կրկնակի չեմպիոն:

Դավիթ Բաղդասարյանը երիտասարդների պայքարում (70կգ) դարձել է Եվրոպայի փոխչեմպիոն:

Տիգրան Թովմասյանը երիտասարդների պայքարում (75կգ) դարձել է Եվրոպայի չեմպիոն:

Գևորգ Բաղսասարյանը (56կգ) մեծահասակների պայքարում դարձել է Եվրոպայի փոխչեմպիոն:

Ավանես Զաքարյանը (56կգ) մեծահասակների պայքարում դարձել է Եվրոպայի չեմպիոն:

Ժիրայր Պետրոսյանը մեծահասակների պայքարում (60կգ) դարձել է Եվրոպայի եռակի չեմպիոն:

Հրանտ Թադևոսյանը (65կգ) մեծահասակների պայքարում դարձել է Եվրոպայի փոխչեմպիոն:

Դավիթ Վարդանյանը (70կգ) մեծահասակների պայքարում դարձել է Եվրոպայի եռակի չեմպիոն:

Տիգրան Գևորգյանը (80կգ) մեծահասակների պայքարում դարձել է Եվրոպայի փոխչեմպիոն:

Գրիգոր Տոնիկյանը (85կգ) մեծահասակների պայքարում դարձել է Եվրոպայի բրոնզե մեդալակիր:

Գառնիկ Գալստյանը (90կգ) մեծահասակների պայքարում դարձել է Եվրոպայի փոխչեմպիոն:

Վազգեն Մուրադյանը մեծահասակների պայքարում (100+կգ) շրջանաձև մրցապայքարում դարձել է չեմպիոն:

Եվրոպայի չեմպիոն, աշխարհի բրոնզե մեդալակիր և 2025 թվականին միջազգային ֆեդերացիայի կողմից լավագույն մարզիկ ճանաչված Արսեն Բաղրյանն էլ մասնակցել է Սանդայի աշխարհի գավաթի 11-րդ առաջնությանը, որտեղ յուրաքանչյուր քաշային կարգում հանդես են եկել միայն աշխարհի լավագույն 4 մարզիկները:

Մրցաշարն անցկացվել է Մակաո քաղաքում, որտեղ 21 երկրի լավագույն մարզիկները պայքարել են 17 ոսկե մեդալների համար։

Արսեն Բաղրյանը 60 կգ քաշային կարգում նվաճել է արծաթե մեդալ: