Պայմանագիրը նախատեսվում է կնքել 2 տարի ժամկետով ՄԱԿ Պարենի համաշխարհային ծրագրի և ԿԶՆԱԿ հիմնադրամի «Դպրոցական սնունդ և երեխաների բարեկեցություն» հիմնարկի միջև կնքված տեղական մակարդակի համաձայնագրով նախատեսված ծրագրի շրջանակներում:
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Մշակում և իրականացնում է դպրոցների ղեկավարների և ճաշարանների աշխատակիցների սննդաբանական խորհրդատվությունների պլանը՝ տրամադրելու համար խորհրդատվական աջակցություն տնoրենին և ծրագրի այլ պատասխանատուներին սննդաբանության, սննդամթերքի անվտանգության և առողջ սննդակարգի վերաբերյալ հարցերում:
- Մասնակցում է Երևանում դպրոցական սննդի համակարգի ներդրման աշխատանքներին, քաղաքականությունների մշակմանը, ապահովում սննդաբանական վերլուծությունները, քննարկվող մոդելների համար ճաշացանկերի նախագծերը և հաշվարկները:
- Մշտադիտարկման տվյալների հիման վրա ներկայացնում է մոդելներին համապատասխան մենյուների բարելավման առաջարկներ:
- Դպրոցներում, համայնքներում իրականացնում է Առողջ սնուցման վերաբերյալ միջոցառումներ, սեմինարներ։
- Մշակում է ուսուցողական նյութեր, ինչպիսիք են` պրեզենտացիաներ, գնահատման ձևանմուշներ և այլն` տարբեր միջոցառումների, հանդիպումների և դասընթացների կազմակերպմանն աջակցելու համար:
- Աջակցում է ծնողների, դպրոցների տնօրենների և դպրոցական խոհարարների համար առողջ դպրոցական սննդի կարևորության վերաբերյալ դասընթացների կազմակերպմանը, վարում է համապատասխան դասընթացներ և աշխատարաններ:
- Աջակցում է ներքին հաղորդակցությանը՝ պատրաստելով համապատասխան զեկույցներ, կազմելով հանդիպումների արձանագրություններ և այլն:
- Համագործակցում է շահագրգիռ կողմերի և ներքին գործընկերների հետ՝ աջակցելու դպրոցական սնուցման ռազմավարության իրագործմանը:
- Իրականացնում է հետազոտություններ և մշակում զեկույցներ՝ հիմնվելով լավագույն փորձի և վերջին ուղեցույցների վրա (մենյուների մշակում, առողջ նախաճաշի ուղեցույց և այլն):
- Պահպանում է ՀՀ ԱՕ-ով, հիմնարկի կանոնադրությամբ, ներքին իրավական ակտերով և ներքին կարգապահական կանոններով սահմանված պահանջները:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն համապատասխան ոլորտներում,
- Առնվազն 2 տարվա համանման աշխատանքի փորձ,
- Երեխաների սնվելու վերաբերյալ մանրակրկիտ գիտելիքներ,
- Նախապես մշակված մենյուները փոփոխելու ունակություն,
- Զանազան բաղադրատոմսերի մշակման համար անհրաժեշտ խոհարարական գիտելիքներ և հմտություններ,
- Միաժամանակ բազմաբնույթ առաջադրանքներ կատարելու, առաջնահերթություններ սահմանելու ունակություններ,
- Սննդի սպասարկող, ադմինիստրատիվ անձնակազմերի, աշակերտների, ծնողների և դպրոցական համայնքի հետ արդյունավետ աշխատանքային հարաբերություններ հաստատելու և արդյունավետ հաղորդակցվելու կարողություն,
- Սննդամթերքի և սնման, սննդի արժեքի հաշվառման, մենյուի կառավարման, սննդի արժեքների և սննդի սննդային պարունակության իմացություն,
- Սննդի սպասարկման ղեկավարների և անձնակազմի ուսուցման ծրագրեր մշակելու և անցկացնելու ունակություն,
- Վտանգի վերլուծության և հսկման կրիտիկակակն կետերի համակարգի իմացություն,
- Հայերենի և անգլերենի գերազանց իմացություն, ռուսերենի իմացությունն առավելություն է:
ԱՇԽԱՏԱՎԱՐՁ՝ 250,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- անձնագրի պատճենը,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Սննդաբան»։
Մրցույթին մասնակցելու հայտերի ներկայացման վերջնաժամկետը՝ 07.05.2026թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում, հարցազրույց և գործնական առաջադրանք (ըստ անհրաժեշտության): Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ. տեղական արտադրությանը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: