Պայմանագիրը նախատեսվում է կնքել 2 տարի ժամկետով ՄԱԿ Պարենի համաշխարհային ծրագրի և ԿԶՆԱԿ հիմնադրամի «Դպրոցական սնունդ և երեխաների բարեկեցություն» հիմնարկի միջև կնքված տեղական մակարդակի համաձայնագրով նախատեսված ծրագրի շրջանակներում:
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Մշակել և ներդնել ագրոտեխնոլոգիական լուծումներ դպրոցական գյուղատնտեսական ենթակառուցվածքներում մշակաբույսերի արտադրության համար։
- Վերահսկել արտադրական գործընթացների իրականացումը գյուղատնտեսական ենթակառուցվածքների համար, տեխնոլոգիաների ճիշտ կիրառմանը։
- Կազմել անհրաժեշտ հումքի (սերմեր, պարարտանյութեր, սուբստրատներ) հայտեր և վերահսկել դրանց արդյունավետ օգտագործումը՝ համագործակցելով Հիմնարկի գյուղատնտեսների հետ։
- Կատարել դիտարկումներ և օգնել այգեպաններին/ջերմատան աշխատակիցներին անհրաժեշտ միջամտություններ կիրառել։
- Օգնել դպրոցների ղեկավար աշխատակազմին պատշաճ պահպանել ենթակառուցվածքները և գյուղարտադրության վարման ընթացակարգեր։
- Իրականացնել հողի, ջրի և բույսերի վիճակի պարբերական մշտադիտարկում, աջակցել այգեպաններին կանխարգելելու հիվանդությունները և վնասատուների տարածումը։
- Աջակցել ուսուցիչներին և աշակերտներին փորձարարական հետազոտությունների իրականացման հարցում:
- Առաջարկել ենթակառուցվածքների կառավարման արդյունավետության բարձրացման և ծախսերի կրճատման լուծումներ։
- Մասնակցել վերապատրաստումներին, ցուցադրական դաշտային աշխատանքներին և սեմինարներին։
- Վարել արտադրական գործընթացների հաշվառում և տվյալների հավաքագրում։
- Մշտադիտարկման պատասխանատուներին աջակցել ենթակառուցվածքներին, գյուղարտադրության գործընթացներին վերաբերող տվյալների հավաքագրման և վերլուծության ա՛խատանքներում։
- Պատրաստել հաշվետվություններ և կանխատեսումներ բերքատվության, ծախսերի և արդյունավետության վերաբերյալ։
- Ներկայացնել առաջարկություններ ղեկավարությանը․ գյուղարտադրության վարման մասնագիտական խնդիրների առաջադրում, դրանց լուծման վերաբերյալ ծրագրերի կազմում, աշխատանքների կազմակերպում, դպրոցների աշխատակիցների կարողությունների զարգացման կարիքի գնահատում։
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն ճարտարագիտական, ագրոնոմիայի, կենսատեխնոլոգիայի կամ գյուղատնտեսության ավտոմատացման ոլորտում:
- Առնվազն 5 տարվա համապատասխան աշխատանքային փորձ նշված ոլորտում, նախընտրելի է փորձ ժամանակակից կամ օրգանական գյուղատնտեսության մեջ։
- Ագրոտեխնիկական գործընթացների, հողագիտության և բուսաբուծության լավ իմացություն։
- Ագրոտեխնոլոգիական սարքավորումների և ծրագրերի հետ աշխատելու հմտություն։
- Տվյալների վերլուծության և հաշվետվությունների պատրաստման կարողություն։
- Վերլուծական մտածողություն և խնդիրների լուծման կարողություն։
- Դաշտային աշխատանքի պատրաստակամություն։
- Պատասխանատվության բարձր զգացում և ինքնուրույն աշխատանքի կարողություն։
- Թիմային աշխատանքի և հաղորդակցման լավ հմտություններ։
ԱՇԽԱՏԱՎԱՐՁ՝ 300,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- անձնագրի պատճենը,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Ագրոտեխնոլոգ»։
Մրցույթին մասնակցելու հայտերի ներկայացման վերջնաժամկետը՝ 07.05.2026թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում, հարցազրույց և գործնական առաջադրանք (ըստ անհրաժեշտության): Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ. տեղական արտադրությանը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: