Գերմանիայի Դաշնային Հանրապետության Հալլե-Վիթենբերգի Մարտին Լյութերի անվան համալսարանի (MLU) «Մեսրոպ» հայագիտական կենտրոնը, Սաքսոնիա-Անհալտ երկրամասի էկոնոմիկայի, գիտության և թվայնացման նախարարության հետ համագործակցությամբ, հայտարարում է 12-ամսյա կրթաթոշակի մրցույթ հայաստանյան ասպիրանտների համար։
- Սկիզբ՝ 2026 թ. հոկտեմբերի 1
- Տևողություն՝ առավելագույնը 12 ամիս (մինչև 2027 թ. սեպտեմբեր)
Ի՞նչ է առաջարկվում
- ամսական 1000 եվրո կրթաթոշակ
- Գերմանիայի Սաքսոնիա-Անհալտ երկրամասում դոկտորանտական հետազոտություն իրականացնելու հնարավորություն
- բոլոր գիտական ուղղություններով դիմելու հնարավորություն
Դիմել կարող են Հայաստանի Հանրապետությունում մշտական բնակություն ունեցող ասպիրանտները։Նախագծի ողջ ընթացքում դրամաշնորհի շահառուն պետք է բնակվի Սաքսոնիա-Անհալտ երկրամասում։
Լրացված հայտն ամբողջական փաթեթով (PDF ձևաչափով) անհրաժեշտ է ուղարկել հետևյալ հասցեով՝ sekretariat.chr-orient@orientphil.uni-halle.de, մինչև 2026 թ. մայիսի 15-ը։
Դիմումի ձևերն ու տեղեկաթերթերը հասանելի են (անգլերեն և գերմաներեն)՝ MESROP կենտրոնի կայքում։
Հիշեցնենք, որ 2025թ․ սեպտեմբերին Բարձրագույն կրթության և գիտության կոմիտե է այցելել Գերմանիայի Դաշնային Հանրապետության Հալլե-Վիթենբերգի Մարտին Լյութերի անվան համալսարանի (MLU) ռեկտոր Կլաուդիա Բեքերի գլխավորած պատվիրակությանը: Հանդիպման շրջանակներում քնարկվել են գիտակրթական ոլորտում Հայաստան-Գերմանիա առկա համագործակցությանը վերաբերող հարցեր, ինչպես նաև Մարտին Լյութերի անվան համալսարանի և մասնավորապես՝ «Մեսրոպ» հայագիտական կենտրոնի հետ համագործակցային ծրագրեր իրականացնելու հնարավորությունը։