Բասկետբոլի Հայաստանի ազգային հավաքականը Եվրոբասկետ 2029-ի նախընտրական փուլի շրջանակում այսօր Երևանում մրցել է Բուլղարիայի հավաքականի հետ և 80։100 հաշվով ցավալի պարտություն է կրել։
Սպորտի կառավարման կենտրոնում կայացած խաղին հետևել են նաև ՀՀ ԿԳՄՍ նախարար Ժաննա Անդրեասյանը, նախարարի տեղակալ Հասմիկ Ավագյանը, պաշտոնատար այլ անձինք, բազմաթիվ մարզասերներ։
Հայաստանի հավաքականի կազմում ամենաարդյունավետը պաշտպան Դարիուս Մագին էր, որը վաստակել է 35 միավոր, 4 անգամ տիրել է օղակից անդրադարձող գնդակին և կատարել է 7 արդյունավետ փոխանցում: Կենտրոնական Յուրա Մելիքյանը վաստակել է 22, իսկ պաշտպան Դանիել Կիրակոսյանը՝ 15 միավոր:
Այս հաղթանակից հետո Բուլղարիայի հավաքականը 5 միավորով գլխավորում է B խմբի մրցաշարային աղյուսակը: Հայաստանի ընտրանին կրել է երրորդ պարտությունը։ Խմբում վերջին հանդիպումը մեր ընտրանին կանցկացնի հուլիսի 7-ին Նորվեգիայում:
