ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
Հանրային կապերի և հաղորդակցության մասնագետը պատասխանատու է հասարակության և լրատվության հետ կապերի, կորպորատիվ հաղորդակցման և Հիմնարկի պաշտոնական կայքի բովանդակության ստեղծման համար։ Հանրային կապերի և հաղորդակցության մասնագետը պետք է մշակի Հիմնարկի հաղորդակցության և հանրության հետ կապերի ռազմավարությունը և դրան հարակից նախագծերը: Ակնկալվում է, որ վերջինս կմշակի և կիրականացնի արդյունավետ հաղորդակցման ռազմավարություններ, որոնք ուղղված կլինեն Հիմնարկի գործունեության և Ծրագրի իրականացման վերաբերյալ իրազեկության ձևավորմանը և բարձրացմանը։ Մասնավորապես, Հանրային կապերի և հաղորդակցության մասնագետը՝
- Իրականացնում է դաշտային այցեր դպրոցներ, մարզեր և ծրագրային միջոցառումներ՝ Հիմնարկի գործունեության լուսաբանման նպատակով։
- Կատարում է ֆոտո և վիդեո նկարահանումներ դպրոցներում, վերապատրաստումներում, աշխատաժողովներում և այլ միջոցառումներում։
- Իրականացնում է հարցազրույցներ ծրագրի շահակիցների, գործընկերների և շահագրգիռ կողմերի հետ հոդվածների, տեսանյութերի և տեղեկատվական այլ նյութերի պատրաստման նպատակով։
- Պատրաստում է ֆոտո, վիդեո և ձայնագրական հում նյութեր հետագա մշակման և հրապարակման համար։
- Կատարում է ֆոտո և վիդեո նյութերի նախնական և ամբողջական մոնտաժ (կտրում, համադրում, ենթագրում, պարզ գրաֆիկական լուծումներ)՝ հրապարակման համար պատրաստ վիճակում։
- Պատրաստում է սոցիալական մեդիայի համար նախատեսված բովանդակություն՝ ներառյալ կարճ տեսանյութեր (ռիլեր) և տեսողական նյութեր, Հիմնարկի պաշտոնական էջերում հրապարակման համար։
- Ապահովում է միջոցառումների՝ տեղում լուսաբանումը և փաստագրումը։
- Համագործակցում է Հիմնարկի հաղորդակցության թիմի հետ՝ բովանդակության թեմաների, հաղորդակցության ուղերձների և հրապարակումների համաձայնեցման հարցերում։
- Աջակցում է կայքի և սոցիալական մեդիայի համար նախատեսված բովանդակության պատրաստմանը դաշտային նյութերով։
- Պահպանում է ՀՀ ԱՕ-ով, հիմնարկի կանոնադրությամբ, ներքին իրավական ակտերով և ներքին կարգապահական կանոններով սահմանված պահանջները:
- Մասնակցում է հաղորդակցման և իրազեկման արշավների իրականացմանը իրեն վերապահված գործառույթների շրջանակում։
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կամ միջին մասնագիտական կրթություն (ցանկալի է լրագրության, հանրային կապերի, հաղորդակցության, դիզայնի կամ հարակից ոլորտներում),
- Առնվազն 1 տարվա աշխատանքային փորձ մեդիայի, հանրային կապերի կամ բովանդակության ստեղծման ոլորտում,
- Ֆոտո և վիդեո նկարահանման գործնական հմտություններ,
- Ֆոտո և վիդեո մոնտաժի գործնական հմտություններ,
- Հարցազրույց վարելու և մարդկանց հետ աշխատելու կարողություն,
- ՀՀ մարզեր ճամփորդելու հնարավորություն,
- Հայերենի գերազանց իմացություն, անգլերենի աշխատանքային իմացություն,
- Գրավոր և բանավոր հաղորդակցության լավ հմտություններ,
- Ժամանակի կառավարման և դաշտային աշխատանքի կազմակերպման կարողություն,
- Պատասխանատվություն, կազմակերպվածություն և թիմային աշխատանքի պատրաստակամություն,
- Համակարգչային գիտելիքներ, դիզայներական ծրագրերի իմացությունը կդիտվի որպես առավելություն:
ԱՇԽԱՏԱՎԱՐՁ՝ 170,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- Ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Անձնագրի պատճենը,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- Այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Հանրային կապերի և հաղորդակցության մասնագետ»։
Մրցույթին մասնակցելու հայտերի ներկայացման վերջնաժամկետը՝ 20․02.2026թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում, հարցազրույց և գործնական առաջադրանք (ըստ անհրաժեշտության): Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամի, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ․ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ. տեղական արտադրությանը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: