2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Թատրոն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները: Ներկայացման մեջ պետք է ընդգրկված լինի 2-4 դերասան: Ներկայացման տևողությունը պետք է լինի 15-30 րոպե։
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- խմբի վերաբերյալ տեղեկատվություն (300 բառ)
- Ներկայացման տեխնիկական ֆայլ
- Խմբի գեղարվեստական մոտեցումը ներկայացնող տեղեկատվություն (առավելագույնը 10 էջ)
- Սցենարի վերնագիր
- Սցենարի նկարագիր (150 բառ)
- Ներկայացման թեմայի ընտրության և նպատակի բացատրություն (1000 բառ)
- Հատվածներ սցենարից
- Թեմատիկ և/կամ գեղագիտական ուսումնասիրությունների հղումներ կամ լուսանկարներ (ընդունվող ձևաչափեր՝ pdf, doc, docx, առավելագույն ծավալը՝ 10 ՄԲ)
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև