2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Թվային ստեղծարարություն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները:
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- դիմողի ինքնակենսագրություն
- պորտֆոլիո (առավելագույն չափ՝ 10 ՄԲ, տեսանյութի հղում (Youtube, Vimeo և այլն)
- ներկայացվող նկարագրական և տեխնիկական քարտ (ընդունվող ձևաչափ՝ pdf, առավելագույն չափ՝ 1 ՄԲ, տեսանյութի հղում՝ ըստ ցանկության)
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև