2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Հեքիաթասացություն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները:
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- դիմողի ինքնակենսագրություն
- Տեղեկատվություն ստեղծագործական գործունեության մասին
- 1 տեսանյութ (ընդունվող ձևաչափեր՝ mp4, flv, URL, առավելագույն չափ՝ 64ՄԲ, առավելագույն տևողություն՝ 3 րոպե)
- 1 լուսանկար (ընդունվող ձևաչափեր՝ jpg, jpeg, pdf, նվազագույն չափ՝ 10x7սմ, առավելագույն ծավալ՝ 15ՄԲ)
- Թարգմանություն (եթե ստեղծագործությունը ֆրանսերեն չէ) (ընդունվող ձևաչափեր՝ pdf, doc, docx, առավելագույն չափ՝ 1ՄԲ)
Մրցույթի մասնակիցը գնահատվում է հետևյալ չափորոշիչներով.
- Պատմասացության հմտություն
- Ֆրանսերենի իմացություն
- Ժամանակի պահպանում
- Հանդիսատեսի հետ կապ
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև