2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Գրականություն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները:
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- դիմողի ինքնակենսագրություն
- պատմվածք (ընդունվող ձևաչափ՝ pdf, doc, docx, առավելագույն ծավալ՝ 7-8 էջ, ընդունվող ձևաչափ՝ A4, 21x29.7, միջտողային հեռավորություն՝ 2, լուսանցքի չափ՝ աջից և ձախից 2սմ, նիշերի առավելագույն քանակ՝ 15 000, առավելագույն չափ՝ 2 ՄԲ)
- Պատմվածքին նախորդող էջ, որի վրա նշված կլինեն
- Պատմվածքի վերնագիր
- Նշում, որ այն անտիպ է
- Հեղինակի անուն, ազգանուն, գրական կեղծանուն (առկայության պարագայում)
- Հեղինակի ծննդյան օր, ամիս, տարի, վայր
- Հեղինակի ազգություն
- Հեղինակի փոստային հասցե
- Հեղինակի էլեկտրոնային հասցե
- Հեղինակի հեռախոսահամար
Պատմվածքը պետք է ներկայացվի ֆրանսերեն լեզվով: Այն պետք է արտացոլի Ֆրանկոֆոնիայի խաղերի արժեքները, այն է՝
բարեկամություն, համերաշխություն, հարգանք, խաղաղություն, հանդուրժողականություն, փոխանակում։ Պատմվածքը կգնահատվի հետևյալ չափորոշիչներով.
- Հեղինակի լեզու և ոճ
- Ստեղծագործության յուրահատկություն (օրիգինալություն)
- Թեմայի արդիականություն
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև