2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Գնդակով աճպարարություն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները:
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- թիմի անդամների ինքնակենսագրություն, թիմի պատմություն
- թիմի կատարողականի տեսանյութ (ընդունվող ձևաչափեր՝ mp4, flv, URL, առավելագույն չափ՝ 64 ՄԲ, առավելագույն տևողություն՝ 3 րոպե)
- թիմի խմբային լուսանկար (ընդունվող ձևաչափեր՝ jpg, jpeg, pdf, 10×7 սմ, առավելագույն չափ՝ 15 ՄԲ)
- Մամուլի հրապարակումներ (առկայության դեպքում)
Խումբը պետք է բաղկացած լինի առավելագույնը 5 անդամից:
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև