2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Լուսանկարչություն» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները:
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- դիմողի ինքնակենսագրություն
- մրցութային 4 լուսանկար, HD (300 DPI), առանց հեղինակային սահմանափակման՝ ոչ-առևտրային օգտագործման համար
- ոչ մրցութային 5 այլ լուսանկար, HD (300 DPI), (ընդունվող չափ՝ 18x24սմ, սև-սպիտակ կամ գունավոր, չմշակված)
- 4 մրցութային լուսանկարների համառոտ նկարագրություն
- հոդվածներ, հրապարակումներ կամ այլ նյութեր (առկայության պարագայում)
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև