2027 թվականին Հայաստանում կայանալու են Ֆրանկոֆոնիայի միջազգային խաղերը, որի շրջանակներում նախատեսվում են մրցույթներ մշակութային անվանակարգերով:
ԿԳՄՍ նախարարությունը հայտարարում է հայտերի հավաքագրում՝ վերոնշյալ խաղերին «Պար» անվանակարգով մասնակցության համար:
Մրցույթին մասնակցելու իրավունք ունեն 18-ից 35 տարեկան Հայաստանի Հանրապետության քաղաքացիները: Խմբի կազմում պետք է լինի 2-ից 10 մարդ։ Պարային համարի տևողությունը չպետք է գերազանցի 15 րոպեն։
Մրցույթին մասնակցելու համար անհրաժեշտ է ՀՀ կրթության, գիտության, մշակույթի և սպորտի նախարարություն ներկայացնել հայտ, որը ներառում է.
- լրացված դիմում-հայտաձև
- խմբի գործունեության վերաբերյալ տեղեկատվություն
- արվեստագիտական փաթեթ (գաղափար/համառոտագիր, ներկայացման կառուցվածք, դերաբաշխում, տեխնիկական նկարագրություն)
- կատարման տեսանյութ
- արվեստագետի լուսանկար
- մուլտիմեդիա (տեսանյութ) (ընդունվող ձևաչափեր՝ mp4, flv կամ URL, մինչև 64 ՄԲ, տևողությունը՝ մինչև 3 րոպե)
- մուլտիմեդիա (լուսանկար) (ընդունվող ձևաչափեր՝ jpg, jpeg, pdf, մինչև 15 ՄԲ, տպագրության նվազագույն չափ՝ 10×7 սմ)
Մրցույթին մասնակցության հայտն անհրաժեշտ է ներկայացնել culturefrancophonie@gmail.com էլեկտրոնային հասցեին:
Հայտերի ներկայացման վերջնաժամկետը 2026 թվականի մարտի 15-ն է:
Դիմում-հայտաձև