ԿԳՄՍ նախարարության աջակցությամբ Վանաձորի Շ. Ազնավուրի անվան մշակույթի պալատում նոյեմբերի 28-ին՝ ժամը 19։00-ին և նոյեմբերի 29-ին՝ ժամը 17։00-ին, Վանաձորի «Հորովել» երգի-պարի անսամբլը հանդես կգա «Տիրուհիները» պարային ներկայացման առաջնախաղով։

Պարային ներկայացումը նվիրված է հայոց պատմության մեջ նշանակալի ավանդ ունեցած հինգ թագուհիներին՝ Զարուհի, Սաթենիկ, Փառանձեմ, Խոսրովանույշ, Կեռան. հեղինակ և բեմադրիչ՝ Արայիկ Գևորգյան, երաժշտությունը՝ Անդրանիկ Ներսիսյանի, հագուստները՝ Լիլիթ Մելիքյանի, անիմացիա՝ Մարիետա Հարությունյանի և Քրիստինե Առաքելյանի, տեքստը՝ Լիլիթ Թովմասյանի, տեքստի հնչունավորումը՝ Գրետա Մեջլումյանի, նախագծի ղեկավար՝ Մանվել Ալևորյան:

Անսամբլի տնօրեն և գեղարվեստական ղեկավարն է Արմեն Ներսիսյանը: