ՀՀ կրթության, գիտության, մշակույթի և սպորտի նախարարությունը հայտարարում է բաց մրցույթ՝ Վենետիկի ժամանակակից արվեստի 61-րդ միջազգային բիենալեում ազգային տաղավարի ձևավորման նպատակով։ Բիենալեն անցկացվելու է 2026 թ. մայիսի 9-ից նոյեմբերի 22-ը՝ «In Minor Keys» (Փոքր տոնայնություններում) խորագրի ներքո։
Մրցույթին մասնակցելու իրավունք ունեն 18 տարին լրացած Հայաստանի Հանրապետության քաղաքացիները և ազգությամբ հայ օտարերկրյա քաղաքացիները:
Մրցույթն անցկացվում է հայեցակարգի ներկայացման (պրեզենտացիա) և հարցազրույցի միջոցով:
Մրցույթին մասնակցելու համար անհրաժեշտ է ԿԳՄՍ նախարարություն ներկայացնել հայտ, որը ներառում է հետևյալ փաստաթղթերը.
- դիմում-հայտաձև՝ համաձայն հավելված 1-ի,
- համադրողի և արվեստագետների ինքնակենսագրությունները,
- ցուցադրության հայեցակարգի (կոնցեպտ) նկարագիրը (2-5 էջ),
- ցուցադրության կազմակերպման նախահաշիվը,
- տեղեկություն հայտատուի կողմից համաֆինանսավորման մասին:
Փաստաթղթերը ներկայացվում են հայերեն և անգլերեն՝ biennale.venetik.armenia@gmail.com էլեկտրոնային հասցեով։ Փաստաթղթերի ներկայացման վերջնաժամկետն է՝ 2025 թ. սեպտեմբերի 15-ը ներառյալ:
Մասնակիցների ընտրությունը կազմակերպվում է փակ քվեարկությամբ: Բիենալեների մասնակցության փորձը ցանկալի է և կդիտարկվի որպես առավելություն։
Վենետիկի ժամանակակից արվեստի 61-րդ միջազգային բիենալեի համակարգող էր ընտրվել Կոյո Կուոն, որի վաղաժամ մահից հետո կազմկոմիտեն որոշում է կայացրել ցուցադրությունն իրականացնել Կոյո Կուոյի ընտրած մասնագետների օգնությամբ (Գեյբ Բեքհյուրսթ Ֆեյխուին, Մարի Էլեն Պերեյրային և Ռաշա Սալթիին, գլխավոր խմբագիր Սիդդհարթա Միթերին և օգնական Ռորի Ծապայիին):
Կարգ