ԿԳՄՍ նախարարության կողմից կրթական ծրագրերի երաշխավորման համար անհրաժեշտ է, որպեսզի իրավաբանական կամ ֆիզիկական անձինք երաշխավորության հայտ ներկայացնեն secretariat@escs.am էլեկտրոնային հասցեին:
Հայտը ներառում է՝
- դիմում ԿԳՄՍ նախարարի անունով,
- արտադպրոցական կամ ոչ ֆորմալ կրթական ծրագիրը, որը ներառում է հետևյալ տեղեկությունները՝
- ֆիզիկական կամ իրավաբանական անձի անուն,
- ծրագրի անվանում,
- ծրագրի ոլորտ, ուղղություն,
- անցկացման ձևաչափ՝ անհատական կամ խմբային՝ խմբի առավելագույն թիվ,
- սովորողների տարիքային խումբ,
- ծրագրի տևողություն,
- ծրագրի նպատակ, ակնկալվող վերջնարդյունքներ, բովանդակություն և ուսումնական պլան,
- ծրագրի իրականացման համար անհրաժեշտ նյութատեխնիկական բազան:
Ներկայացված հայտերը ստանալուց հետո առավելագույնը 3-օրյա ժամկետում նախարարության կողմից ուղարկվում են փորձաքննության:
Փորձաքննող կազմակերպությունը փորձագիտական եզրակացությունն առավելագույնը 15 աշխատանքային օրվա ընթացքում ուղարկում է նախարարություն:
Դրական եզրակացության դեպքում նախարարությունը 2 աշխատանքային օրվա ընթացքում երաշխավորում է ծրագիրը և ուղարկում հայտատուին:
Բացասական եզրակացության դեպքում նախարարությունը 2 աշխատանքային օրվա ընթացքում եզրակացությունն ուղարկում է հայտատուին:
Լրամշակելուց հետո ծրագիրը կարող է նորից ներկայացվել երաշխավորման:
Արտադպրոցական հաստատությունների ծրագրերի երաշխավորման գործընթացի մասին մանրամասների համար անհրաժեշտ է զանգահարել (+374 10) 599-619 հեռախոսահամարով:
Ոչ ֆորմալ կրթական ծրագրերի երաշխավորման գործընթացի մասին մանրամասների համար անհրաժեշտ է զանգահարել (+374 10) 599-641 հեռախոսահամարով:
Հիշեցում. երաշխավորման ներկայացնելով ձեր կրթական ծրագիրը՝ հնարավորություն եք ստեղծում ձեր շահառուների համար՝ օգտվել սոցիալական կրեդիտներից՝ եկամտահարկից վերադարձի տեսքով` տարեկան առավելագույնը 100 հազար ՀՀ դրամի չափով։