ՀՀ կրթության, գիտության, մշակույթի և սպորտի նախարարությունը հայտարարում է մրցույթ «Հայաստանի Հանրապետության 2025 թվականի երիտասարդական մայրաքաղաք» մրցույթի փորձագիտական գնահատման խմբի ձևավորման նպատակով:
Փորձագիտական գնահատման խումբն իրականացնում է մրցութային հայտերի փորձագիտական գնահատումը:
Մրցույթին մասնակցել և խմբի կազմում ընդգրկվել կարող են երիտասարդական աշխատողներ, երիտասարդական հասարակական կազմակերպությունների, ուսանողական խորհուրդների, նախաձեռնող խմբերի ներկայացուցիչներ, երիտասարդության հատվածի դասընթացավարներ, փորձագետներ, հետազոտողներ, ինչպես նաև այլ շահագրգիռ անձինք, ովքեր ուղղակի և/կամ անուղղակի առնչվում են երիտասարդության հիմնախնդիրներին ու երիտասարդական պետական քաղաքականությանը և բավարարում են ստորև ներկայացվող պահանջներին:
Փորձագետին ներկայացվող պահանջներն են՝
- բարձրագույն կրթությունը հավաստող փաստաթուղթ (առնվազն բակալավրի որակավորման աստիճան),
- երիտասարդության հատվածում առնվազն 3 տարվա մասնագիտական աշխատանքի փորձառություն, որից առնվազն 1 տարին՝ երիտասարդական հատվածում փորձագիտական աշխատանքի իրականացման փորձառություն, մասնավորապես, ծրագրի կառավարման, հետազոտությունների իրականացման բնագավառում (դաշտային հետազոտություններ իրականացնելու հմտություններ),
- մեծ ծավալի տեղեկատվության հետ աշխատելու, վերլուծելու, ամփոփելու, համակարգված ներկայացնելու հմտություններ,
- ներհանրապետական գործուղումների մեկնելու պատրաստակամություն,
- միջազգային երիտասարդական ծրագրերում ընդգրկվածությունը կդիտարկվի առավելություն,
- այլ ոլորտներում փորձագիտական աշխատանքների իրականացման փորձառությունը կդիտարկվի առավելություն։
Մրցույթին մասնակցելու համար անհրաժեշտ փաստաթղթերի ցանկը`
- դիմում՝ ուղղված «Հայաստանի Հանրապետության 2025 թվականի երիտասարդական մայրաքաղաք» մրցույթի կազմակերպման մրցութային հանձնաժողովի ղեկավարին (ձևը կցվում է),
- անձը հաստատող փաստաթուղթ (անձնագրի կամ նույնականացման քարտի պատճեն (pdf կամ jpg ֆորմատով),
- հայտադիմում (pdf կամ word ֆորմատով) (ձևը կցվում է),
- ամփոփ տեղեկանք վերջին 3 տարում երիտասարդական քաղաքականության ոլորտում իրականացրած գործունեության, փորձագիտական աշխատանքների իրականացման, հասարակական ակտիվության, տեղական և միջազգային (եթե այդպիսիք առկա են) երիտասարդական ծրագրերում ընդգրկվածության վերաբերյալ (առավելագույնը 2 էջ, pdf կամ word ֆորմատով) (ձևը կցվում է),
- մոտիվացիոն տեսաուղերձ` փորձագիտական գնահատման խմբի աշխատանքներում ներգրավման վերաբերյալ (մինչև 2 րոպե տևողությամբ, ֆորմատը՝ .MP4, .MOV, .AVI, .M4V, .HEVC, ֆայլը կցելու անհնարինության դեպքում ներկայացնել ամպային միջավայրում տեղադրված տեսաուղերձի հղումը),
- երաշխավորագիր-նամակ (ըստ ցանկության)։
Հայտերի ներկայացման ժամկետը և կարգը՝
Հայտերն ընդունվում են մինչև ս. թ օգոստոսի 2-ը ներառյալ։
Ներկայացված պահանջներին բավարարող և հետաքրքրված անձինք կարող են իրենց հայտն ուղարկել youth@escs.am էլեկտրոնային փոստին՝ նամակի վերնագրում նշելով «փորձագիտական գնահատման խմբի անդամ/անուն,ազգանուն»:
Հայտի ստացման մասին հայտատուն կտեղեկացվի երկօրյա ժամկետում` պատասխան էլեկտրոնային նամակի միջոցով:
Մրցույթի արդյունքների մասին հայտատուն կտեղեկացվի մինչև ս.թ. օգոստոսի 20-ը:
ՈՒՇԱԴՐՈՒԹՅՈՒՆ։ Փորձագիտական գնահատման խմբում չեն ընդգրկվի այն թեկնածուները, ովքեր կներկայացնեն «Հայաստանի Հանրապետության 2025 թվականի երիտասարդական մայրաքաղաք» մրցույթի հայտատու քաղաքները/համայնքները և/կամ որոնց աշխատանքային/մասնագիտական գործունեությունը անմիջական կապված կլինի հայտատու քաղաքների/համայնքների հետ։
Փորձագիտական գնահատման խմբի կազմը սահմանափակ է, և վերջնական ընտրությունը կատարվելու է «Հայաստանի Հանրապետության 2025 թվականի երիտասարդական մայրաքաղաք» մրցույթի կազմակերպման մրցութային հանձնաժողովի կողմից՝ համաձայն նշված պահանջների։
Հարցերի և հավելյալ տեղեկատվության համար զանգահարել` 010 599 642 և 010 599 643 հեռախոսահամարներով:
Ամփոփ տեղեկանք