ՀՀ կրթության, գիտության, մշակույթի և սպորտի նախարարության «Հայ մշակույթը հանրահռչակող օտարալեզու գրականություն» դրամաշնորհային ծրագիրը շարունակվում է: Ներկայացրած 11 հայտից 4-ը մասնագիտական խմբի գնահատման արդյունքում կստանան դրամաշնորհային աջակցություն։
Ծրագրի առանցքային նպատակն է հայկական մշակույթի տարածումն ու հանրահռչակումը Հայաստանի սահմաններից դուրս, պատմաիրավական խեղաթյուրումների և ապատեղեկատվության չեզոքացումը, արտասահմանյան առաջատար գրադարանների ֆոնդերի համալրումը հայկական մշակույթն ու պատմությունը ներկայացնող օտարալեզու հրատարակումներով։
Դրամաշնորհային ծրագրի թեմատիկ ուղղություններն են՝
- Լեռնային Ղարաբաղի հակամարտության գոտու պատմամշակութային ժառանգությունը,
- Հայաստանի պատմամշակութային ժառանգությունը,
- պատմագրություն,
- հնագիտական ժառանգություն,
- ուրարտագիտություն,
- դասական և ժամանակակից արժեքների միջազգայնացում:
«1124. Գրահրատարակչության և գրադարանների» ծրագրի 2024 թվականի «11007. «Գրականության հրատարակում» միջոցառման շրջանակում իրականացվող «ՀՀ ԿԳՄՍՆԳՀԴՄ-001» «Հայ մշակույթը հանրահռչակող օտարալեզու գրականություն» մրցույթի հաղթողների ցանկը կցվում է: