ՀՀ կառավարության 2021 թ-ի սեպտեմբերի 24-ի N 1569-Ն որոշմամբ հաստատված՝ «Նախնական արհեստագործական և միջին մասնագիտական պետական ուսումնական հաստատության տնօրենի ընտրության» կարգի 4-րդ կետի համաձայն՝ «Նոր Գեղիի ակադեմիկոս Գ. Աղաջանյանի անվան պետական գյուղատնտեսական քոլեջ» ՊՈԱԿ–ի լիազոր մարմինը հայտարարում է մրցույթ՝ հաստատության տնօրենի պաշտոնի թափուր տեղն զբաղեցնելու համար:
1. Հաստատության տնօրենի պաշտոնի համար անցկացվող մրցույթին մասնակցելու պարտադիր պայմաններն են՝
1) ՀՀ քաղաքացիությունը.
2) ուսումնական հաստատության ղեկավարման իրավունքը (հավաստագիր):
2. Մրցույթին մասնակցելու համար հավակնորդը ներկայացնում է`
1) դիմում` կառավարման խորհրդի նախագահի անունով.
2) Հայաստանի Հանրապետության քաղաքացու անձնագրի կամ նույնականացման քարտի պատճենը.
3) հաստատության ղեկավարման իրավունքի հավաստագրի պատճենը.
4) տվյալ հաստատության 5 տարվա զարգացման ծրագիրը թղթային և էլեկտրոնային տարբերակներով` նշված կարգի 26-րդ կետի պահանջներին համապատասխան.
5) ինքնակենսագրություն:
Փաստաթղթերի պատճենները խորհրդի նախագահին կամ քարտուղարին առձեռն ներկայացնելու դեպքում պետք է ներկայացնել բնօրինակների հետ:
Փաստաթղթերն ընդունվում են «Նոր Գեղիի ակադեմիկոս Գ.Աղաջանյանի անվան պետական գյուղատնտեսական քոլեջ» ՊՈԱԿ–ում (ՀՀ Կոտայքի մարզ, գյուղ Արգել, 4-րդ փող., շենք 1, Արգելի Վ. Անանյանի անվան միջնակարգ դպրոց) 2024 թվականի հունվարի 17–ից մինչև փետրվարի 7–ը նեռարյալ, ամեն օր՝ ժամը 1000-ից մինչև ժամը 1400-ը, բացի հանգստյան (շաբաթ, կիրակի) և օրենքով սահմանված ոչ աշխատանքային` տոնական և հիշատակի օրերից:
Մրցույթը տեղի կունենա 2024 թվականի փետրվարի 16–ին՝ ժամը 1000–ին, «Նոր Գեղիի ակադեմիկոս Գ.Աղաջանյանի անվան պետական գյուղատնտեսական քոլեջ» ՊՈԱԿ–ում, հասցե՝ ՀՀ Կոտայքի մարզ , գյուղ Արգել, 4-րդ փող., շենք 1, Արգելի Վ.Անանյանի անվան միջնակարգ դպրոց։
Տեղեկությունների համար դիմել հեռախոսահամարով՝ 077 21 19 98, էլեկտրոնային հասցեն՝ collegialcouncil@inbox.ru։