ՀՀ կրթության, գիտության, մշակույթի և սպորտի նախարարությունը հայտարարում է մրցույթ՝ նոյեմբերի 10-12-ը Երևանում կայանալիք սամբոյի 2023 թվականի մեծահասակների աշխարհի առաջնությանն ընդառաջ:
Մրցույթի նպատակն է նպաստել սամբո մարզաձևում հայ անվանի մարզիկների և նրանց նվաճումների հանրահռչակմանն ու ճանաչելիության բարձրացմանը, հասարակության շրջանում սամբո մարզաձևի նկատմամբ հետաքրքրության խթանմանը:
Մրցույթի պայմաններն ու կանոնները
Նոյեմբերի 7-ին և 8-ին՝ ժամը 16:00-ին և 20:00-ին, ԿԳՄՍ նախարարության Instagram-ի Story բաժնում կհրապարակվի հայ սամբիստների և, առհասարակ, սամբո մարզաձևի վերաբերյալ 4 հարց: Այն օգտատերը, որն առաջինը կպատասխանի հարցին, կճանաչվի հաղթող: Յուրաքանչյուր հարց կունենա մեկ հաղթող պատասխան:
Մրցույթին մասնակցելու համար՝
- պետք է լինել ԿԳՄՍՆ Instagram-ի @min.escs.arm էջի հետևորդ (https://www.instagram.com/min.escs.arm/ ),
- պատասխանը պետք է գրել հայատառ,
- պետք է գրել անձնական էջից:
Նշված կանոններին ու պայմաններին չհամապատասխանող պատասխանները չեն դիտարկվելու:
Հաղթած 4 մասնակիցները կպարգևատրվեն աշխարհի առաջնության բացման արարողության տոմսերով: