Հիմնական գործառույթները՝
1) կազմակերպում և համակարգում է օրենսդրական և այլ նորմատիվ իրավական ակտերի նախագծերի մշակումը, առաջարկություններ ներկայացնում արվեստի և մշակութային կրթության ոլորտներում (այսուհետ՝ Ոլորտ) Հայաստանի Հանրապետության օրենսդրության կատարելագործման վերաբերյալ.
2) կազմակերպում է պետական մշակութային քաղաքականության իրականացման նպատակով՝ Վարչության համակարգման Ոլորտի ՊՈԱԿ-ների (թատերահամերգային, մշակութային կրթություն իրականացնող կազմակերպություններ, կինոստուդիա, կինոկենտրոն, մշակույթի և ժամանցի կենտրոն) (այսուհետ` ՊՈԱԿ-ներ) սոցիալ-տնտեսական զարգացման տարեկան, միջնաժամկետ և երկարաժամկետ ծրագրերի մշակման գործընթացը.
3) կազմակերպում և համակարգում է Ոլորտում հայեցակարգերի ու պետական նպատակային ծրագրերի մշակման գործընթացը.
4) կազմակերպում է Ոլորտի Հայաստանի Հանրապետության պետական բյուջեի նախագծի բովանդակային դրույթների մշակման գործընթացը.
5) համակարգում է մշակութային կրթության ոլորտի ՊՈԱԿ-ները, նրանց ոչ ֆինանսական ցուցանիշների ուսումնասիրություններն և վերլուծությունները.
6) համակարգում է Ոլորտի ՊՈԱԿ-ների հետ կնքվող դրամաշնորհի, պետության կողմից ուսանողական նպաստների տրամադրման մասին տարեկան պայմանագրերի բովանդակային դրույթները.
7) համակարգում է ՀՀ տարածքում հյուրախաղային և ցուցահանդեսային գործունեության ընդլայնման ուղղված, ստեղծագործական խմբերի, մշակութային, կրթական կազմակերպությունների միջև տարածաշրջանային համագործակցության ստեղծմանն ու զարգացմանը նպաստող ծրագրերի իրականացումը.
8) համակարգում և կազմակերում է մշակութային կրթության ոլորտի մասնագետների պատրաստման, վերապատրաստման վերաբերյալ առաջարկությունների ամփոփիչ գործընթացները.
9) համակարգում է մշակութային կրթության ոլորտում պետական կրթական չափորոշիչների մշակման գործընթացը.
10) կազմակերպում է մշակույթի բնագավառում իրենց վաստակով նշանավոր անձանց և արվեստագետներին պետական պարգևների, մրցանակների, պատվավոր կոչումների, գեղարվեստական խմբերին ու թատրոններին՝ ակադեմիական, վաստակավոր և ազգային կոչման, նախարարության պարգևների վերաբերյալ առաջարկությունների ամփոփումը.
11) կազմակերպում է նախարարության պատվերով իրականացվող դրամաշնորհային մշակութային ծրագրերի մրցութային աշխատանքները.
12) համակարգում է մշակութային կրթության ոլորտի ՊՈԱԿ-ների մասնագիտական գործունեության տարեկան հաշվետվությունների ուսումնասիրության ու վերլուծության աշխատանքները, կազմում եզրակացություններ.
13) կազմակերպում և համակարգում է պետական կազմակերպություններ ստեղծելու, վերակազմակերպելու, ինչպես նաև պետական կազմակերպությունները պատմական, հասարակական-քաղաքական, մշակույթի, արվեստի, գիտության նշանավոր գործիչների և անձանց անուններով կոչելու վերաբերյալ առաջարկություններ ներկայացնելու գործընթացը.
14) համակարգում է պետական կառավարման տարածքային մարմինների հետ համատեղ պետական մշակութային տարածքային քաղաքականության ապահովման գործընթացը.
15) կազմակերպում և համակարգում է Հայաստանի Հանրապետությունում գործող ստեղծագործական խմբերի, ստեղծագործող անհատների և միջազգային մշակութային կազմակերպությունների միջև համագործակցության, կապերի և փոխանակումների ստեղծման ու զարգացման գործընթացը.
16) համակարգում է Ոլորտում մեթոդական, տեղեկատվական, վերլուծական և այլ բնույթի նյութերի հրապարակումները՝ պետական նպատակային ծրագրերին համապատասխան.
17) համակարգում և կազմակերպում է հանրապետական և միջազգային մրցույթների, փառատոնների, ցուցահանդեսների, ինչպես նաև` գիտաժողովների, համաժողովների և այլ միջոցառումների անցկացման ծրագրերը և գործընթացը.
18) համակարգում է մշակութային քաղաքականության ապահովման նպատակով պետական միասնական տեղեկատվական հարթակի ստեղծման աշխատանքները.
19) կազմակերպում է քաղաքացիների ընդունելության և քաղաքացիների նամակների (դիմումների ու բողոքների) քննարկման աշխատանքները:
Նշված ժամանակավոր թափուր պաշտոնը զբաղեցնելու համար նաև պահանջվում է՝
- ՀՀ քաղաքացիություն
- Կրթություն, որակավորման աստիճանը՝
Ուղղություն – կրթություն, հումանիտար գիտություններ և արվեստ – սոցիալական գիտություններ, լրագրություն և տեղեկատվական գիտություններ,
Ոլորտ – կրթություն – արվեստ - սոցիալական և վարքաբանական գիտություններ,
Ենթաոլորտ – առարկայական ուղղվածությամբ մանկավարժություն - երաժշտական արվեստ և կատարողական արվեստ կամ միջոլորտային մասնագիտություններ - մշակութաբանություն:
- Հանրային ծառայության առնվազն երեք տարվա ստաժ, կամ չորս տարվա մասնագիտական աշխատանքային ստաժ կամ արվեստի կամ մշակույթի բնագավառում` չորս տարվա աշխատանքային ստաժ:
- Տիրապետում է անհրաժեշտ տեղեկատվությանը:
- Ունի համակարգչով և ժամանակակից այլ տեխնիկական միջոցներով աշխատելու ունակություն:
- Ժամանակավոր թափուր պաշտոնը զբաղեցնելու ժամկետը սահմանվում է մինչև հիմնական աշխատողի վերադարձը՝ ծննդաբերության արձակուրդից:
- Դիմումների ընդունման ժամկետն է` 2023 թվականի նոյեմբերի 1-3-ը ներառյալ:
Աշխատավարձի չափը՝ 322816 /երեք հարյուր քսաներկու հազար ութ հարյուր տասնվեց/ ՀՀ դրամ։
- Աշխատանքի վայրը՝ ք. Երևան, Վազգեն Սարգսյան 3, Կառավարական տուն 2:
- Ընտրություն կատարելու եղանակը` դիմում ներկայացրած քաղաքացիների փաստաթղթերի ուսումնասիրություն, ինքնակենսագրականների ուսումնասիրություն, հարցազրույց:
Դիմող ՀՀ քաղաքացիները պետք է ներկայացնեն հետևյալ փաստաթղթերը՝
- դիմում ՀՀ կրթության, գիտության, մշակույթի և սպորտի նախարարության գլխավոր քարտուղարի անունով (դիմումի ձևը կցվում է),
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմի /ների/, վկայականի /ների/, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճեները բնօրինակների հետ միասին,
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները՝ բնօրինակի հետ միասին, կամ համապատասխան տեղեկանք,
- մեկ լուսանկար 3x4 սմ չափսի,
- անձնագրի կամ նույնականացման քարտի պատճենը:
Քաղաքացին փաստաթղթերը ներկայացնում է միայն էլեկտրոնային փոստի միջոցով (էլ. փոստ՝ management@escs.am):
Փաստաթղթերն ընդունվում են ամեն օր` ժամը 09:00-ից մինչև 12:30-ը, բացի շաբաթ և կիրակի օրերից:
Լրացուցիչ տեղեկությունների համար զանգահարել 010-599659 հեռախոսահամարով:
Դիմում