0.5 դրույք
Աշխատանքի նկարագիր՝
Հիմնադրամը փնտրում է գնահատման և հետազոտող մասնագետի, ով ընդգրկված կլինի Հիմնադրամի կողմից իրականացվող տարբեր նախագծերում։ Մասնագետի պարտականությունները ներառելու են հետազոտական կարիքների բացահայտում, նախագծում, հետազոտությունների համակարգում և իրականացում, մշտադիտարկման արդյունքների վերլուծություն և ըստ առաջընթացի գնահատման համակարգերի ստեղծում և պարբերական գնահատումներ, իրականացվող նախագծերի նպատակներին համապատասխան մոնիտորինգի և գնահատման չափորոշիչների սահմանում և սահմանված չափորոշիչների հիման վրա նախագծերի պարբերական մոնիտորինգի և գնահատման իրականացում։
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ․
- Իրականացնել մշտադիտարկումների արդյունքում ստեղծված տվյալների բազայի վերլուծություն, արդյունքների գնահատման, և դպրոցների կատարողականն ու առաջընթացը չափելու գործիքների մշակում, պարբերական գնահատման։
- Հիմնարկի կողմից ստեղծված տվյալների բազաների ուսումնասիրության տարեկան պլանի կազմում, ուսումնասիրությունների նախագծում, իրագործման համակարգում,
- Իրականացնել Հիմնարկի գործունեության ընթացքում և գործողությունների պլանով սահմանված հետազոտությունների նախագծման, իրականացման և արդյունքների ներկայացման աշխատանքների համակարգումը։
- Անհրաժեշտ տվյալներ հավաքագրել՝ օգտագործելով տարբեր մասնագիտական աղբյուրներ և կիրառելով հետազոտության նպատակներին համապատասխան գործիքակազմ (հարցաշարերի կազմում, հարցազրույցների իրականացում և այլն)։
- Մշակել իրականացվող նախագծերի նպատակներին համապատասխան մոնիտորինգի և գնահատման չափորոշիչներ՝ համաձայնեցնելով համապատասխան շահագրգիռ կողմերի հետ։
- Իրականացնել սահմանված չափորոշիչների հիման վրա նախագծերի պարբերական մոնիտորինգ և գնահատում:
- Գնահատել նախագծերի արդյունքներին հասնելու ընդհանուր առաջընթացը, ինչպես նաև արդյունքների կայունությունը և հնարավոր խոչընդոտները՝ աշխատելով նախագծերի թիմերի հետ։
- Ստեղծել և կառավարել համապատասխան տվյալների բազա։
- Քննարկել նախագծերի ընթացիկ արդյունքները նախագծերի ղեկավարների հետ և ներկայացնել առաջարկություններ նախագծերի առավել արդյունավետ իրականացման վերաբերյալ։
- Նախագծերի ընթացիկ արդյունքների հիման վրա, անհրաժեշտության դեպքում, վերանայել մոնիտորինգի և գնահատման չափորոշիչները։
- Շահագրգիռ կողմերին ներկայացվող պարբերական հաշվետվությունների համար տրամադրել համապատասխան տեղեկատվություն և վիճակագրական տվյալներ:
- Տնօրենին աջակցել համապատասխան հաշվետվությունների մշակման գործընթացում։
- Իրականացնել անմիջական ղեկավարի կողմից հանձնարարված այլ պարտականություններ։
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն կրթություն սոցիոլոգիայի կամ հանրային առողջապահության ոլորտում, մագիստրոսի աստիճանը ցանկալի է,
- Առնվազն 2 տարվա աշխատանքային փորձ նախագծերի գնահատման և մոնիտորինգի ոլորտում,
- Հետազոտության տարբեր մեթոդաբանությունների խորը իմացություն,
- Հետազոտական աշխատանքների մասնակցության կամ համակարգման փորձ,
- Վիճակագրական տվյալներից օգտվելու և վերլուծություններ իրականացնելու փորձառություն,
- Մաթեմատիկական և վիճակագրական գիտելիքներ,
- Նախագծերի մոնիտորինգի և գնահատման մեխանիզմների մշակման և չափորոշիչների սահմանման մեծ փորձառություն,
- Գնահատման և մոնիտորինգի տարբեր մեթոդաբանությունների խորը իմացություն,
- Գերազանց վերլուծական հմտություններ,
- Հայերենի և անգլերենի գրավոր և բանավոր գերազանց հաղորդակցման հմտություններ, (ռուսերենի իմացությունն առավելություն է),
- MS Office-ի ազատ տիրապետում, SPSS ծրագրային փաթեթով աշխատելու կարողություն, փորձ (NVIVO կամ նմանատիպ այլ ծրագրային փաթեթի իմացությունը առավելություն է),
- Թիմում աշխատելու ունակություն և միջանձնային հաղորդակցության հմտություններ,
- Գրավոր և բանավոր հաղորդակցման հմտություններ։
ԱՇԽԱՏԱՎԱՐՁ՝ 350,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- Թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Գնահատման և հետազոտությունների մասնագետ»։
Մրցույթին մասնակցելու հայտերի ներկայացման վերջնաժամկետը՝ 01.09.2023թ.։
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձիք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ.: 2020թ․ այն վերանվանվել է «ԿԶՆԱԿ» հիմնադրամի «Դպրոցական սնունդ և երեխաների բարեկեցություն» հիմնարկ:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները, Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ․ տեղական արտադրությունը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: