Ծրագրի մասին
Պետությունը հանրակրթական ուսումնական հաստատությունների դպրոցականների առարկայական օլիմպիադաների հանրապետական փուլերի և միջազգային օլիմպիադաների դիպլոմակիրներին (մասնակիցներին) տրամադրում է անվանական կրթաթոշակ։
Հայաստանի Հանրապետության կրթության, գիտության, մշակույթի և սպորտի նախարարի 2023թ. մայիսի 12-ի N 52-Ն հրաման։
Ովքեր կարող են դիմել
Անվանական կրթաթոշակը տրվում է հանրակրթական կրթական ծրագրեր իրականացնող ուսումնական հաստատությունների այն սովորողներին, որոնք բավարարում են հետևյալ չափանիշներից առնվազն մեկին՝
1) հանդիսանում են ՀՀ դպրոցականների առարկայական օլիմպիադաների հանրապետական փուլերի դիպլոմակիրներ, որոնց տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին՝ 10000 դրամ,
- երկրորդ կարգի դիպլոմակիրներին՝ 7500 դրամ,
- երրորդ կարգի դիպլոմակիրներին՝ 5000 դրամ,
2) հանդիսանում են դպրոցականների միջազգային առարկայական օլիմպիադաների եզրափակիչ փուլերի մրցանակակիրներ կամ մասնակիցներ, որոնց տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին (ոսկե մեդալակիր)՝ 25000 դրամ,
- երկրորդ կարգի դիպլոմակիրներին (արծաթե մեդալակիր)՝ 20000 դրամ,
- երրորդ կարգի դիպլոմակիրներին (բրոնզե մեդալակիր)՝ 15000 դրամ,
- գովասանագրով պարգևատրվածներին՝ 12000 դրամ,
- եզրափակիչ փուլի այլ մասնակիցներին՝ 10000 դրամ։
3) հանդիսանում են դպրոցականների միջազգային այլ օլիմպիադաների (առնվազն 15 երկրներից մասնակիցներ ունեցող) եզրափակիչ փուլերի մրցանակակիրներ, որոնց տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին (ոսկե մեդալակիր)՝ 15000 դրամ,
- երկրորդ կարգի դիպլոմակիրներին (արծաթե մեդալակիր)՝ 10000 դրամ,
- երրորդ կարգի դիպլոմակիրներին (բրոնզե մեդալակիր)՝ 7500 դրամ
Դիմելու կարգը
Օլիմպիադաներն անցկացվում են հանրակրթական 16 առարկաներից` 3 կամ 4 փուլերով: Հանրակրթական 9 առարկաներից՝ հայոց լեզու, հայ գրականություն, ռուսաց լեզու, անգլերեն, ֆրանսերեն, գերմաներեն, պատմություն, հայ առաքելական եկեղեցու պատմություն, նախնական զինվորական պատրաստություն, օլիմպիադան անց է կացվում 4 փուլով՝
ա. դպրոցական փուլ,
բ. տարածքային (վարչական կամ նախկին վարչական շրջան) փուլ,
գ. մարզային փուլ,
դ. հանրապետական փուլ:
Հանրակրթական 7 առարկաներից՝ աշխարհագրություն, մաթեմատիկա, ֆիզիկա, քիմիա, կենսաբանություն, ինֆորմատիկա, աստղագիտություն, օլիմպիադան անց է կացվում 3 փուլով՝ համաձայն նախարարության սահմանած ընթացակարգերի՝
ա. դպրոցական փուլ,
բ. մարզային փուլ,
գ. հանրապետական փուլ:
ՀՀ կրթության և գիտության նախարարի 2011 թվականի ապրիլի 5-ի N 280-Ն հրաման։
Անհրաժեշտ փաստաթղթեր
Կրթաթոշակի շահառու են հանդիսանում ՀՀ դպրոցականների առարկայական օլիմպիադաների հանրապետական փուլերի դիպլոմակիրները և դպրոցականների միջազգային առարկայական օլիմպիադաների եզրափակիչ փուլերի մրցանակակիրները կամ մասնակիցները։
Ծրագրի վերջնաժամկետ
Կրթաթոշակը ստանում են ՀՀ կրթության, գիտության, մշակույթի և սպորտի նախարարի՝ անվանական կրթաթոշակ տրամադրելու մասին հրամանի նախագիծը հաստատվելուց հետո։
Կոնտակտներ, խորհրդատվություն
ՀՀ ԿԳՄՍՆ հանրակրթության վարչություն, հեռ՝ +374 010 599 617
ՀՀ ԿԳՄՍՆ Թեժ գիծ՝ (+37410) 59-96-00, տեղեկատու հեռախոս՝ (+37410) 52-73-43: