Հաշվի առնելով «Երիտասարդության մասին» ՀՀ օրենքի նախագծի մշակման աշխատանքներին երիտասարդության ոլորտի դերակատարների մեծ հետաքրքրվածությունը և մասնակցելու պատրաստակամությունը՝ ՀՀ կրթության, գիտության, մշակույթի և սպորտի նախարարությունը ևս մեկ անգամ հայտարարում է օրենքի նախագծի մշակման աշխատանքներին մասնակցելու հրավերի դիմում-հայտերի ընդունումը:
Աշխատանքային խումբը կազմվում է պետական հատվածը ներկայացնող անդամներից, քաղաքացիական հասարակության կառույցների, միջազգային կազմակերպությունների ներկայացուցիչներից:
Պետական հատվածը ներկայացող ներկայացուցիչների թեկնածություններն առաջադրում է համապատասխան գերատեսչության ղեկավարը:
Աշխատանքային խումբն ունենալու է նաև հինգ ենթախումբ, որոնք համակարգելու է աշխատանքային խմբի անդամներից մեկը՝ ըստ ոլորտային դերակատարման համապատասխանության:
Ենթախմբերում իրականացվող աշխատանքների արդյունքներն ու առաջարկները համակարգողների կողմից կներկայացվեն ընդհանուր աշխատանքային խմբի նիստերի և հանդիպումների ժամանակ:
Ո՞վ կարող է միանալ օրենքի նախագծի մշակման աշխատանքներին.
- երիտասարդության ոլորտի հետազոտողներ,
- երիտասարդության ոլորտի փորձագետներ,
- երիտասարդական աշխատողներ,
- երիտասարդական կազմակերպությունների ղեկավարներ,
- երիտասարդական ոլորտի դասավանդողներ և դասընթացավարներ:
Օրենքի նախագծի մշակման աշխատանքների տևողություն.
Օրենքի նախագծի մշակման աշխատանքները մեկնարկելու են աշխատանքային խմբի ձևավորման պահից և ավարտվելու են մինչև 2024 թվականի ապրիլ ամսվա 3-րդ տասնօրյակ:
Օրենքի նախագծի մշակման նպատակով կարող են լինել արտագնա հանդիպում քննարկումներ՝ 1-2 օր տևողությամբ (արտագնա հանդիպումների կազմակերպման բոլոր ծախսերն իրականացվելու է ՀՀ կրթության, գիտության, մշակույթի և սպորտի նախարարության և նախարարության գործընկեր կազմակերպությունների կողմից):
Աշխատանքային խմբում ներգրավված ցանկացած ներկայացուցիչ՝ կախված երիտասարդության ոլորտում ունեցած փորձառությունից, ունենալու է իր հստակ դերակատարումը օրենքի նախագծի մշակման աշխատանքներում: Աշխատանքային խմբում ներգրավվելուց հետո ներկայացուցչի մասնակցությունը օրենքի նախագծի մշակման աշխատանքներին խիստ պարտադիր է:
Ինչպե՞ս կարող եք միանալ օրենքի նախագծի մշակման աշխատանքներին.
Աշխատանքային խմբի անդամների ընտրությունն իրականացվելու է՝ հաշվի առնելով երիտասարդության ոլորտում ունեցած փորձառությունը:
Օրենքի նախագծի մշակման աշխատանքներին միանալ ցանկացողները պետք է մինչև 2023 թվականի հուլիսի 29-ը լրացնեն իրենց մասնակցության հայտերը հետևյալ հղմամբ՝ https://forms.gle/z74VedTnAj7Kbita7: