Ռուսաստանի Դաշնության ԱԳՆ Մոսկվայի միջազգային հարաբերությունների պետական ինստիտուտը (ՄՄՀՊԻ/МГИМО) և ՌԴ ԱԳՆ Դիվանագիտական ակադեմիան հայտարարում են 2023-2024 թթ. ուստարվա ընդունելություն:
2023-2024 թթ. ուսումնական տարվա համար ՄՄՀՊԻ-ի կողմից ՀՀ-ին հատկացված քվոտաների ընդհանուր քանակը 9-ն է՝ 5 բակալավրիատի, 3 մագիստրոսական և 1 ասպիրանտուրայի ծրագրերի դիմելու հնարավորությամբ:
ՌԴ ԱԳՆ Դիվանագիտական ակադեմիայի կողմից 2023-2024 ուստարվա ընդունելությունը նախատեսվում է միայն մագիստրագուրայի և ասպիրանտուրայի ծրագրերով: Դիվանագիտական ակադեմիան տրամադրում է սահմանափակ քանակությամբ տեղեր՝ կախված ընդունելության քննություններում դիմորդների արդյունքներից:
ՀՀ-ին հատկացված քվոտաներով նշված ԲՈԻՀ-ում ուսումն անվճար է, սակայն ուսումնառության ամբողջ ընթացքում կեցության հետ կապված ծախսերը, ինչպես նաև ճանապարհածախսը պետք է հոգան մասնակիցները: Հանրակացարաններում բնակությունը՝ տեղերի առկայության պարագայում, նույնպես վճարովի է:
Վերը նշված ԲՈՒՀ-երի ուսումնական ծրագրերին դիմելու համար ՀՀ ԱԳՆ փաստաթղթեր ներկայացնելու վերջնաժամկետն է 2023 թ. ապրիլի 27-ը: Անհրաժեշտ փաստաթղթերը պետք է փոխանցվեն secretariat@mfa.am էլ. հասցեին:
ՀՀ ԱԳՆ ներկայացվելիք անհրաժեշտ փաստաթղթերի ցանկ․
- դիմում ՀՀ ԱԳ նախարարի անունով,
- ՀՀ քաղաքացու անձնագրի պատճենը,
- ատեստատի պատճենը (բակալավրիատի դեպքում) /դիպլոմի պատճենը (մագիստրատուրայի և ասպիրանտուրայի դեպքում)՝ ներառյալ ներդիրները,
- արական սեռի դիմորդների պարագայում՝ կցագրման վկայականի կամ զինվորական գրքույկի պատճենները,
- ինքնակենսագրություն՝ շարադրված ազատ ոճով,
- 2 գունավոր լուսանկար 3X4 չափսի:
ԱՌԴԻՐ 1
ՌԴ ԱԳՆ Մոսկվայի միջազգային հարաբերությունների պետական ինստիտուտն (ՄՄՀՊԻ /МГИМО/) առաջարկում է կրթական ծրագրեր հետևյալ ուղղություններով՝
- Միջազգային հարաբերություններ (բակալավրիատ/մագիստրատուրա)
- Տարածաշրջանագիտություն (բակալավրիատ/մագիստրատուրա)
- Ժուռնալիստիկա (բակալավրիատ/մագիստրատուրա)
- Գովազդ և հանրային կապեր (բակալավրիատ/մագիստրատուրա)
- Ֆինանսներ և վարկ (մագիստրատուրա)
- Պետական և համայնքային կառավարում (մագիստրատուրա)
- Տնտեսագիտություն (բակալավրիատ/մագիստրատուրա /ասպիրանտուրա)
- Իրավագիտություն (բակալավրիատ/մագիստրատուրա /ասպիրանտուրա)
- Քաղաքագիտություն և տարածաշրջանագիտություն (ասպիրանտուրա)
- Կրթություն և մանկավարժական գիտություններ (ասպիրանտուրա)
- Մշակութաբանություն (ասպիրանտուրա)
Ընդունելության քնությունների վերաբերյալ տեղեկատվությունը անմիջապես փոխանցվելու է դիմողների կողմից ներկայացված էլ. հասցեներին:
Կրթական ծրագրերին ավելի մանրամասն կարելի է ծանոթանալ https://abiturient.mgimo.ru/foreigners հղմամբ:
ԱՌԴԻՐ 2
Դիվանագիտական ակադեմիան առաջարկում է կրթական ծրագրեր հետևյալ ուղղություններով՝
Մագիստրատուրա /առկա եղանակով/
- Տնտեսագիտություն /«Միջազգային տնտեսագտություն և բիզնես» ծրագիր/ (քննական առարկաներ՝ ռուսերեն /գրավոր և բանավոր/, օտար լեզու /գրավոր և բանավոր/, մասնագիտական առարկա /գրավոր/)
- Իրավագիտություն /«Միջազգային հանրային իրավունք» և «Միջազգային տնտեսական իրավունք» ծրագրեր/ (քննական առարկաներ՝ ռուսերեն /գրավոր և բանավոր/, օտար լեզու /գրավոր և բանավոր/, մասնագիտական առարկա /գրավոր/)
Մագիստրատուրա /հեռակա եղանակով/
- Կառավարում /«Արտաքին քաղաքականության գործունեություն և ռիսկերի կառավարում» ծրագիր/ (քննական առարկաներ՝ ռուսերեն /գրավոր և բանավոր/, օտար լեզու /գրավոր և բանավոր/, մասնագիտական առարկա /գրավոր/)
Ընդունելության քննությունները կանցկացվեն հեռավար ձևաչափով ս. թ. հուլիսի 21-ից օգոստոսի 6-ը և նոյեմբերի 16-ից 21-ը
Ուսման տևողությունը՝ 2 տարի՝ առկա եղանակով և 2.5 տարի՝ առկա և հեռակա համադրված եղանակով:
Ասպիրանտուրա
- Քաղաքագիտություն (քննական առարկաներ՝ փիլիսոփայություն /բանավոր/, օտար լեզու /գրավոր և բանավոր/, մասնագիտական առարկա /բանավոր/),
- Տնտեսագիտություն (քննական առարկաներ՝ փիլիսոփայություն /բանավոր/, օտար լեզու /գրավոր և բանավոր/, մասնագիտական առարկա /բանավոր/),
- Իրավագիտություն (քննական առարկաներ՝ փիլիսոփայություն /բանավոր/, օտար լեզու /գրավոր և բանավոր/, մասնագիտական առարկա /բանավոր/),
- Պատմական գիտություններ (քննական առարկաներ՝ փիլիսոփայություն /բանավոր/, օտար լեզու /գրավոր և բանավոր/, մասնագիտական առարկա /բանավոր/)
Ընդունելության քննությունները կանցկացվեն հեռավար ձևաչափով ս. թ. սեպտեմբերի 6-ից 15-ը: Ուսման տևողությունը՝ 3 տարի: