Ծրագրի մասին
Անվանական թոշակ տրամադրվում է ՀՀ այն մարզիկներին, ինչպես նաև նրանց մարզիչներին (անձնական և հավաքական թիմերի), որոնք օլիմպիական, պարալիմպիկ, սուրդլիմպիկ մարզաձևերի և շախմատի ՀՀ հավաքական թիմերի (ներառյալ՝ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի, Եվրոպայի առաջնություններում և շախմատային օլիմպիադաներում ցուցաբերել են բարձր արդյունքներ: Մարզիկներն ու մարզիչները նախորդ տարվա ընթացքում գրանցած բարձր արդյունքների համար անվանական թոշակը ստանում են հաջորդ տարվա հունվարի 1-ից՝ մեկ տարի ժամկետով:
Ովքեր կարող են դիմել
Ծրագրի շահառու են հանդիսանում մարզաձևերի հավաքականների անդամ, բարձր արդյունքներ ցուցաբերած մարզիկները և նրանց մարզիչները:
Դիմելու կարգը
Անվանական թոշակի թեկնածուների փաստաթղթերի հավաքագրումը և շահառուների ցուցակի կազմումն իրականացնում է ՀՀ կրթության, գիտության, մշակույթի և սպորտի նախարարությունը, իսկ թեկնածուների առաջադրման վերաբերյալ որոշումը կայացնում է համապատասխան հանձնաժողովը:
Անհրաժեշտ փաստաթղթերը
Մարզաձևերի ֆեդերացիաները ՀՀ կրթության, գիտության, մշակույթի և սպորտի նախարարություն են ներկայացնում թեկնածուների ներկայացման թերթիկները և արդյունքները հաստատող արձանագրությունները:
Կոնտակտներ, խորհրդատվություն
ՀՀ ԿԳՄՍՆ սպորտի քաղաքականության վարչություն, հեռ.՝ +374 10 599 637
ՀՀ ԿԳՄՍՆ Թեժ գիծ՝ (+37410) 59-96-00, տեղեկատու հեռախոս՝ (+37410) 52-73-43: