Ծրագրի մասին
ՀՀ պետական բյուջեի միջոցների հաշվին սոցիալական որոշ խմբերում ընդգրկված ընտանիքների երեխաների համար նախադպրոցական կրթությունն ապահովվում է ՀՀ պետական բյուջեի միջոցների հաշվին: Մասնավորապես՝ ծրագրում ընդգրկված են կրթության և զարգացման առանձնահատուկ պայմանների կարիք ունեցող երեխաները: 2023 թվականի սեպտեմբերի 1-ից ծրագիրը կտարածվի ընտանեկան նպաստ ստացողների համակարգում հաշվառված ընտանիքների, իսկ 2024 թվականի սեպտեմբերի 1-ից՝ զինծառայող ծնողի (ծնողների) երեխաների վրա:
ՀՀ կառավարության 15.07.2021 թ. 1169Ն որոշում՝ https://www.arlis.am/DocumentView.aspx?DocID=154530:
Ովքեր կարող են դիմել
Կրթության և զարգացման առանձնահատուկ պայմանների կարիք ունեցող ընտանիքները, ընտանեկան նպաստի համակարգում հաշվառված ընտանիքները՝ 2023 թ. սեպտեմբերի 1-ից, զինծառայողների ընտանիքները՝ 2024 թվականի սեպտեմբերի 1-ից:
Դիմելու կարգը
Ծնողը դիմում է նախադպրոցական ուսումնական հաստատություն:
Անհրաժեշտ փաստաթղթեր
Ծնողը ներկայացնում է համապատասխան փաստաթղթեր, որոնք փաստում են երեխայի կրթության և զարգացման առանձնահատուկ պայմանների կարիքը, ընտանիքի նպաստի համակարգում հաշվառված լինելու հանգամանքը, ինչպես նաև տեղեկանք՝ ծնողի զինծառայող լինելու մասին:
Կոնտակտներ, խորհրդատվություն
ՀՀ ԿԳՄՍՆ հանրակրթության վարչություն, հեռ՝ +374 010 599 619
ԿԳՄՍՆ Թեժ գիծ՝ (+374 10) 59-96-00, տեղեկատու հեռախոս՝ (+374 10) 52-73-43։