Ծրագրի մասին

Պետությունն ապահովում է սոցիալապես անապահով և սոցիալական աջակցություն ստացող ՀՀ սահմանամերձ համայնքների ընտանիքների երեխաների դասագրքերի վարձավճարների փոխհատուցումը։

Դասագրքերի գումարների փոխհատուցման չափը, ըստ յուրաքանչյուր դասագրքի, յուրաքանչյուր ուսումնական տարվա համար սահմանվում է ՀՀ կրթության, գիտության, մշակույթի և սպորտի նախարարի հրամանով։ Հանրակրթական դպրոցների աշակերտներին դասագրքերի գումարների փոխհատուցումն իրականացվում է ՀՀ պետական բյուջեից՝ ամբողջությամբ։

ՀՀ կառավարության 26.10.2017թ. թիվ 1352-Ն որոշում՝ https://www.arlis.am/documentview.aspx?docid=116946

Ովքեր կարող են դիմել

Կարող են դիմել ընտանիքների անապահովության գնահատման համակարգում հաշվառված կամ պետության կողմից իրականացվող սոցիալական աջակցության ծրագրերում ընդգրկված ընտանիքների սովորողները: Այս աջակցությունից օգտվում են նաև սահմանամերձ համայնքներում բնակվող միգրանտ սովորողները:

Դիմելու կարգը

Համապատասխան կարգավիճակ ունեցող ընտանիքներն իրենց երեխաների դասագրքերի վարձավճարի զեղչի համար դիմում են այն դպրոց, որտեղ հաճախում են երեխաները: Տվյալ ուսումնական հաստատության՝ սոցիալապես անապահով ընտանիքների սովորողների ցանկը կազմվում է մանկավարժական և ծնողական խորհուրդների համատեղ նիստում և հաստատվում տնօրենի կողմից:

Մինչև յուրաքանչյուր տարվա հոկտեմբերի 15-ը Դասագրքերի և տեղեկատվական հաղորդակցման տեխնոլոգիաների շրջանառու հիմնադրամի կողմից կազմվում և ՀՀ ԿԳՄՍ նախարարություն է ներկայացվում սոցիալական աջակցություն ստացող սահմանամերձ համայնքների բնակավայրերում տեղակայված հանրակրթական դպրոցների աշակերտներին դասագրքերի գումարների փոխհատուցման մասին տեղեկատվություն՝ ըստ յուրաքանչյուր դպրոցի յուրաքանչյուր դասարանում սովորող աշակերտների թվի, փոխհատուցման ենթակա գումարի մեծության և փոխանցման պայմանների։

Անհրաժեշտ փաստաթղթեր

Դիմողները ներկայացնում են անհրաժեշտ փաստաթղթեր՝ ընտանիքների անապահովության գնահատման համակարգում հաշվառման և սոցիալական աջակցության ծրագրերում ընդգրկված լինելու մասին:

Կոնտակտներ, խորհրդատվություն

ՀՀ ԿԳՄՍՆ հանրակրթության վարչություն, հեռ՝ +374 010 599 619
ԿԳՄՍՆ Թեժ գիծ՝ (+374 10) 59-96-00, տեղեկատու հեռախոս՝ (+374 10) 52-73-43։