Ծրագրի մասին

«Հայ մշակույթը հանրահռչակող օտարալեզու գրականություն» ծրագրի իրականացման նպատակն է Հայաստանի և Արցախի պատմամշակութային ժառանգությունը (ներառյալ Ադրբեջանի վերահսկողության տակ հայտնված տարածքների ժառանգությունը), ոչ նյութական մշակութային ժառանգության դրսևորումները, հնագիտական ժառանգությունը, հայկական ճարտարապետական ժառանգությունը ներկայացնող օտարալեզու գրականության հրատարակումը և այդ գրքերով արտասահմանյան գրադարանների համալրումը:

Ծրագրի հայտարարությունը կազմվել է ՀՀ կառավարության 2003 թ. դեկտեմբերի 24-ի N 1937-Ն (ՀՀ կառավարության 2021 թվականի հունվարի 27-ի N 97-Ն որոշմամբ կատարված փոփոխություններով և լրացումներով) որոշմամբ հաստատված «ՀՀ պետական բյուջեից իրավաբանական անձանց սուբսիդիաների և դրամաշնորհների հատկացման» կարգի համաձայն:

Ովքեր կարող են դիմել

Դրամաշնորհին կարող են դիմել «armeps.am» համակարգում գրանցված շահույթ հետապնդող և չհետապնդող այն իրավաբանական անձինք, որոնք իրենց կանոնադրությամբ ունեն հրատարակչական գործունեություն իրականացնելու իրավունք:

Դիմելու կարգը

Համակարգում որպես մասնակից գրանցվելու նպատակով անձը մուտք է գործում www.armeps.am հասցեով գործող կայք և լրացնում համապատասխան պահանջվող տեղեկատվությունը, որից հետո գրանցումը հաստատելու նպատակով էլեկտրոնային փոստի միջոցով ստացված թվի և (կամ) տառերի կոմբինացիան մուտքագրում է համակարգ: Նշված տեղեկատվությունը ճիշտ մուտքագրելուց հետո անձը համարվում է համակարգում գրանցված մասնակից, ինչի մասին ավտոմատ եղանակով ստանում է ծանուցում: Մասնակցի գրանցումն ավտոմատ եղանակով համարվում է չեղյալ, եթե համակարգում գրանցվելու օրվանից հաշված 30 օրացուցային օրվա ընթացքում վերջինս մուտք չի գործում համակարգ կամ մուտք է գործում, սակայն համակարգ չի մուտքագրում տեղեկատվությունը: Այս պարագայում իրականացվում է գրանցման նոր գործընթաց:

Անհրաժեշտ փաստաթղթեր

Մասնակիցը հայտով ներկայացնում է հետևյալ փաստաթղթերը.

1) Մասնակցելու դիմում-հայտարարություն` համաձայն դրամաշնորհային մրցույթի մասին հայտարարության հավելված N 1-ի,
2) Ֆինանսական նախահաշիվ՝ համաձայն դրամաշնորհային մրցույթի մասին հայտարարության հավելված N 2-ի,
3) Ծրագրի առաջարկ, որը համապատասխանում է դրամաշնորհային մրցույթի մասին հայտարարության սահմանված պայմաններին, նպատակներին և առաջնահերթություններին՝ համաձայն հավելված N 3-ի,
4) Կազմակերպության կանոնադրության և պետական ռեգիստրի վկայականի պատճեները,
5) Տեղեկանք հարկային ծառայությունից՝ հարկային պարտավորություններ չունենալու վերաբերյալ,
6) Տեղեկանք նախագծի համագործակցող և համաֆինանսավորող կողմերի մասին (առկայության դեպքում),
7) Ծրագրին առնչվող նյութեր` լուսանկարներ, տեսանյութեր, ձայնագրություններ, էսքիզներ (առկայության դեպքում):

Ծրագրի վերջնաժամկետ - սահմանվում է հայտարարությամբ:

Կոնտակտներ, խորհրդատվություն

Բովանդակային հարցերի դեպքում զանգահարել Հայաստանի Հանրապետության կրթության, գիտության, մշակույթի և սպորտի նախարարության մշակութային ժառանգության և ժողովրդական արհեստների վարչություն՝ գրահրատարակչության ոլորտի գլխավոր մասնագետ Տաթևիկ Սուքիասյանին, (հեռախոս՝ 010 599 629, էլ. փոստ՝ tateviksukiasyan81@mail.ru):

Մրցույթին մասնակցելու համար ՀՀ ֆինանսների նախարարությունը մշակել է «Մասնակցի կողմից էլեկտրոնային (Armeps) համակարգի գործածման» ուղեցույց, որը հասանելի է հետևյալ հղմամբ՝ https://minfin.am/hy/page/uxecuyc_dzernark/