-
Ծրագրի մասին
Բարձրագույն ուսումնական հաստատություններում նպաստի ձևով ուսման վճարի փոխհատուցում (լրիվ կամ մասնակի (զեղչ)) տրվում է մրցույթի արդյունքներով բարձրագույն ուսումնական հաստատություն ընդունված, ուսումնական տարվա արդյունքներով բարձր առաջադիմություն ունեցող սովորողներին, օրենքներով նախատեսված սոցիալական խմբերին:
«Բարձրագույն և հետբուհական մասնագիտական կրթության մասին» ՀՀ օրենք, հոդված 6 մաս 4, ՀՀ կառավարության 2006 թվականի հուլիսի 27-ի № 1183-Ն որոշում
Ովքեր կարող են դիմել
Ծրագրից կարող են օգտվել`
- ընտանիքների անապահովության սահմանային միավորից բարձր միավորներ ունեցող ուսանողները,
- սոցիալական աջակցություն ստացող սահմանամերձ համայնքների բնակավայրերի ուսանողները,
- մարտական գործողություններին մասնակցած ուսանողները,
- սահմանված կարգով առկա ուսուցմամբ բակալավրի կամ ինտեգրացված կրթական ծրագրով ընդունված երկու և ավելի անչափահաս երեխա ունեցող ուսանողները,
- պետության համար առաջնահերթություն և կարևորություն ներկայացնող մասնագիտություններով նպատակային ուսուցմամբ ընդունված ուսանողները:
- Դիմելու կարգը
Նպաստի ձևով ուսման վճարի փոխհատուցում ստանալու համար անհրաժեշտ է բուհում ներկայացնել դիմում.
- առկա կամ հեռավար ուսուցման դեպքում՝ տվյալ ուսումնական տարվա յուրաքանչյուր կիսամյակի ուսումնական պարապմունքների սկզբին հաջորդող չորս շաբաթների ընթացքում,
- հեռակա ուսուցման դեպքում՝ տվյալ ուսումնական տարվա յուրաքանչյուր կիսամյակի ուսումնական պարապմունքների սկզբին նախորդող և հաջորդող մեկական շաբաթների ընթացքում:
Անհրաժեշտ փաստաթղթեր
- դիմում,
- կարգավիճակը հավաստող փաստաթուղթ (օրինակ՝ ընտանիքի անապահովության միավորի վերաբերյալ սոցիալական ծառայություններ տրամադրող տարածքային մարմնի տրամադրած տեղեկանք):
Կոնտակտներ, խորհրդատվություն
ՀՀ ԿԳՄՍ նախարարության Բարձրագույն և հետբուհական մասնագիտական կրթության վարչություն (010 599 627)
ԿԳՄՍՆ Թեժ գիծ՝ (+374 10) 59-96-00, տեղեկատու հեռախոս՝ (+374 10) 52-73-43։