Մեկնարկել է Լեհաստանի Լեյն Կիրկլանդի անվան 2023-2024 թթ. կրթաթոշակային ծրագրի հայտերի ընդունելությունը:
Ծրագրով նախատեսվում է 2 կիսամյակի ուսուցում ասպիրանտների համար՝ լեհական 5 ակադեմիական կենտրոններից մեկում (Վարշավա, Կրակով, Վրոցլավ, Պոզնան, Լյուբլին): Կրթական ծրագիրը ներառում է առնվազն երկշաբաթյա մասնագիտական դասընթաց պետական, մասնավոր և ոչ առևտրային կազմակերպություններում, ինչպես նաև վարպետության դասեր հետևյալ մասնագիտություններով՝
- տնտեսագիտություն և կառավարում,
- կառավարում բիզնեսում, հասարակական կազմակերպություններում, մշակույթում, կրթության և առողջապահության ոլորտներում,
- պետական կառավարում (պետական իշխանության և ինքնակառավարման մարմիններ),
- իրավունք,
- սոցիալական գիտություններ (սոցիալական հոգեբանություն, սոցիոլոգիա),
- քաղաքագիտություն և միջազգային հարաբերություններ,
- շրջակա միջավայրի և կլիմայի պաշտպանություն,
- անվտանգության և կիբերանվտանգության խնդիրներ,
- հակաճգնաժամային կառավարում,
- զարգացման քաղաքականություն և մարդասիրական օգնություն:
Թեկնածուներին ներկայացվող պահանջներն են՝
- բարձրագույն կրթություն,
- մինչև 40 տարեկան,
- մասնագիտական փորձը` առնվազն 2 տարի,
- առնվազն 6 ամիս տևողությամբ նախկին արտասահմանյան կրթաթոշակի մասնակցության օրվանից նվազագույնը 2 տարվա ընդմիջում:
Հայտադիմումների ընդունման վերջնաժամկետը 2023 թվականի մարտի 1-ն է:
Մանրամասն տեղեկություններին կարող եք ծանոթանալ հետևյալ հղմամբ՝ https://kirkland.edu.pl/en/scholarship-competition/: