Կազմակերպությունը՝ «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկ
Թափուր պաշտոնի անվանումը՝ Գյուղատնտես (ինտենսիվ այգիներ)
Աշխատանքային շաբաթը՝ 5-օրյա
Աշխատանքի տևողությունը՝ Շաբաթական 20 ժամ
Պայմանագրի ժամկետը՝ Անորոշ ժամկետով, 3 ամիս փորձաշրջանով
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ
- Ինտենսիվ /պտղատու և հատապտղային/ այգիներ ունեցող դպրոցներին տրամադրում է ընդհանուր մասնագիտական խորհրդատվություն՝ հեռավար և առկա: Որոշակի սահմանված ժամերի հասանելի է լինում հեռախոսային խորհրդատվության համար: Ըստ անհրաժեշտության պետք է նաև տեսազանգերով խորհրդատվություն տրամադրելու հնարավորություն ունենա ամբողջ տարվա ընթացքում։
- Ըստ Հայաստանի կլիմայական գոտիների և ըստ հիմնական պտուղների/հատապտուղների տեսակների կազմում է ագրո-օրացույց՝ ներառելով սեզոնային գյուղատնտեսական աշխատանքների նկարագրությունը և ժամկետները:
- Կազմակերպում է առցանց դասընթացներ՝ սեզոնային աշխատանքների կազմակերպման վերաբերյալ (վաղ գարնանային նախապատրաստական աշխատանքներ, էտ, ընթացիկ խնամք/պլանային աշխատանքներ, պարարտանյութերի և քիմիական միջոցների անվտանգ կիրառում, հիվանդությունների դեմ պայքարի պլանային միջոցառումներ, ոռոգման կազմակերպում և նորմատիվներ, բերքահավաք, բերքի պահպանություն, հակակարկտային և կաթիլային ոռոգման համակարգերի սպասարկում, ձմեռացման նախապատրաստում)։
- Իրականացնում է պլանային (տարեկան նվազագույնը երկու անգամ) և, ըստ անհրաժեշտության, (անկանխատեսելի խնդիրների դեպքում) այցեր ծրագրերի իրականացման վայրեր։
- Գնահատում է ինտենսիվ այգիների վիճակը և ամփոփ տեղեկատվություն ներկայացնում գործատուին։
- Յուրաքանչյուր ինտենսիվ այգու համար դպրոցի հետ համատեղ մշակում է այգիների զարգացման ծրագիր:
- Աջակցում է դպրոցներին գյուղատնտեսական նորարարական նախաձեռնությունների մասին իրազեկվածության և հնարավորությունների հասանելիության հարցում, տրամադրում է դրանց վերաբերյալ տեղեկատվություն:
- Աջակցում է դպրոցներին պարարտանյութերի, բուժանյութերի ձեռքբերման հարցում՝ տեղեկատվություն տրամադրելով հուսալի գործընկերների և շուկայում առկա տեսականու վերաբերյալ:
- Աջակցում է հիմնարկին գյուղատնտեսական ոլորտի և միջոցառումների կազմակերպման հարցերում:
ՊԱՀԱՆՋՎՈՂ ԳԻՏԵԼԻՔՆԵՐԸ, ՈՒՆԱԿՈՒԹՅՈՒՆՆԵՐԸ, ՀՄՏՈՒԹՅՈՒՆՆԵՐԸ
- Բարձրագույն ոլորտային կրթություն:
- Ինտենսիվ այգիների տնտեսավարման նորարարական տեխնոլոգիաների տիրապետման փորձ:
- Գյուղատնտեսական ծրագրերի իրականացման վերջին 5 տարվա ընթացքում անընդմեջ առնվազն 2 տարվա աշխատանքային փորձ:
- Կոմպոստի, կենսահումուսի և այլ օրգանական պարարտանյութերի պատրաստման վերաբերյալ գիտելիքներ:
- Գյուղատնտեսական ծրագրերի մշտադիտարկման փորձը կդիտվի որպես առավելություն:
- ՀՀ մարզերում ճամփորդելու հնարավորություն և պատրաստակամություն /աշխատաժամանակի առնվազն 1/3-ը փոխհատուցվող գործուղումներ են/:
- Արդյունավետ հաղորդակցման և պլանավորման հմտություններ:
- Դաշտային աշխատանքների (ցանկալի է կրթության ոլորտում) չափելի փորձ /մարզային այցելությունների ծախսերը հոգում է հիմնարկը/:
- Մարզերում ծրագրերի իրականացման կամ մշտադիտարկման հմտություն/փորձ:
- Վարորդական իրավունքի առկայությունը կդիտվի որպես առավելություն:
- Կրթական համակարգում առկա խնդիրների իմացություն:
- Հայերենի գերազանց, անգլերենի լավ իմացություն: Ռուսերենի իմացությունը կդիտվի որպես առավելություն:
- Համակարգչային հմտություններ և հեռահաղորդակցության գործիքների կիրառման հմտություն:
ԱՇԽԱՏԱՎԱՐՁ՝ 240,000 ՀՀ դրամ՝ ներառյալ ՀՀ օրենսդրությամբ սահմանված հարկերն ու պարտադիր վճարները:
ԱՇԽԱՏԱՆՔԻ ՍԿԻԶԲ՝ 03.01.2023թ.
Մրցույթին մասնակցելու համար անձը info@schoolfeeding.am էլ․ փոստի հասցեով պետք է ներկայացնի`
- ինքնակենսագրությունը, որը պետք է ներառի տեղեկատվություն կրթության, աշխատանքային փորձի, մասնագիտական գիտելիքների, աշխատանքային ունակությունների և հմտությունների վերաբերյալ,
- թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին և հմտություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
- այլ պետությունների քաղաքացիները` Հայաստանի Հանրապետությունում աշխատելու իրավունքը,
- Հայաստանի Հանրապետության արական սեռի քաղաքացիները՝ նաև զինգրքույկը։
Նամակի «Թեմա/Subject» դաշտում խնդրում ենք նշել «Գյուղատնտես (ինտենսիվ այգիներ)»։
Մրցույթին մասնակցելու հայտերի ներկայացման վերջնաժամկետը՝ 08.12.2022թ.
Մրցույթն անցկացվում է երեք փուլով` հայտերի ներկայացում, հանձնաժողովի կողմից ներկայացված փաստաթղթերի հիման վրա գնահատում և հարցազրույց: Հարցազրույցին կհրավիրվեն միայն փաստաթղթային գնահատման շեմը հաղթահարած անձինք:
ԿԱԶՄԱԿԵՐՊՈՒԹՅԱՆ ՄԱՍԻՆ
«Կայուն դպրոցական սնունդ» հիմնադրամը հիմնադրվել է 2016թ., 2020թ․ վերանվանվել է «ԿԶՆԱԿ» հիմնադրամ, որի կազմում հիմնվել է «Դպրոցական սնունդ և երեխաների բարեկեցություն» հիմնարկը:
«Դպրոցական սնունդ և երեխաների բարեկեցություն» հիմնարկի գործունեությունն ուղղված է դպրոցականների որակյալ կրթության ապահովման, առողջության և սոցիալական պաշտպանվածության բարելավմանը։ Հիմնարկի գործունեության նպատակներն են. ա․ ուսումնական հաստատություններում սովորողներին առողջ, բազմազան, հավասարակշռված սննդի տրամադրման արդյունավետությունն ապահովելը, բ․ աստիճանաբար ընդլայնելով հանրակրթական դպրոցներում սննդի կազմակերպման շրջանակները՝ Հայաստանի Հանրապետության ողջ տարածքում տարրական դասարանների բոլոր սովորողներին հավասարակշռված, անվտանգ և որակյալ սնունդով ապահովմանն աջակցելը, գ. ուսումնական հաստատություններում առողջ սննդի կազմակերպմանը, առողջ ապրելակերպի մշակույթի ձևավորմանը նպաստելը, դ. տեղական արտադրությանը խթանելը, ե․ համայնքը, գործարար շրջանակները, սփյուռքի կազմակերպությունները և այլ դոնորներ դպրոցական սննդի կազմակերպման և զարգացման գործում ներգրավելը: